ହାଟଡିହୀ,୨ା୪(ଡି.ଏନ୍.ଏ.): କେନ୍ଦୁଝର ଜିଲା ହାଟଡିହୀ ବ୍ଲକର ୩୧ଟି ପଞ୍ଚାୟତରେ ନାଏବ ସରପଞ୍ଚ ନିର୍ବାଚନ ହେବାକୁ ଦିନ ଧାର୍ଯ୍ୟ ହୋଇଥିଲା। ସେଥିମଧ୍ୟରୁ ୨୮ଟି ପଞ୍ଚାୟତରେ ପ୍ରାର୍ଥୀମାନେ ନିର୍ଦ୍ୱନ୍ଦ୍ୱରେ ନିର୍ବାଚିତ ହୋଇଥିଲେ। ଶଢ଼ା, ମରୈଗାଁ ପଞ୍ଚାୟତରେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା ହୋଇଥିଲା। କିନ୍ତୁ ହାବଳେଶ୍ୱର ପଞ୍ଚାୟତ ଅଧୀନ ୧୭ଟି ଓ୍ବାର୍ଟ ମଧ୍ୟରୁ ୧୬ଟିରେ ଓ୍ବାର୍ଡମେମ୍ବର ନିର୍ବାଚନ ହୋଇଥିଲା। ସଂରକ୍ଷଣ ଦୃଷ୍ଟିକୋଣରୁ ଗୋଟିଏ ଓ୍ବାର୍ଡରେ କେହି ପ୍ରାର୍ଥୀ ନ ଥିବାରୁ ଓ୍ବାର୍ଡମେମ୍ବର ନିର୍ବାଚନ ହୋଇ ନ ଥିଲା। କେବଳ ମାତ୍ର ଚାନ୍ଦ ମୁଣ୍ଡା ନାଏବ ସରପଞ୍ଚ ଭାବେ ପ୍ରାର୍ଥତ୍ପତ୍ର ଦାଖଲ କରିଥିବା ଏବଂ ୧୦ ଜଣ ଓ୍ବାର୍ଡମେମ୍ବର ପ୍ରୋସିଡିଂ ରେଜିଷ୍ଟରରେ ଦସ୍ତଖତ କରିଥିଲେ। ଫଳରେ ଚାନ୍ଦ ମୁଣ୍ଡା ନିର୍ଦ୍ୱନ୍ଦ୍ୱରେ ନିର୍ବାଚିତ ହୋଇଥିବା ପ୍ରିଜାଇଡିଂ ଅଫିସର ଭାବେ ଉପସ୍ଥିତ ଥିବା ଶିକ୍ଷକ ଶିଶିର ନାୟକ ପ୍ରୋସିଡିଂ ରେଜିଷ୍ଟରରେ ଉଲ୍ଲେଖ କରିବା ସହ ଘୋଷଣା କରିଥିଲେ।
ଅପରପକ୍ଷେ ଏହି ପଞ୍ଚାୟତରେ କୋରମ ଅଭାବ ଏବଂ ଆଇନ ଶୃଙ୍ଖଳା ପରିସ୍ଥିତି ଯୋଗୁ ନାଏବ ସରପଞ୍ଚ ନିର୍ବାଚନ ସ୍ଥଗିତ ରହିବା ନେଇ ବ୍ଲକ ପକ୍ଷରୁ ଚିଠି ନଂ ୯୫୫/୧୧.୩.୨୨ରେ ନୋଟିସ ଜାରି ହୋଇଥିଲା। ପୁନଶ୍ଚ ଚିଠି ନଂ ୧୧୪୯/୩୧.୩.୨୦୨୨ ଅନୁସାରେ ୨.୦୪.୨୦୨୨ରେ ନାଏବ ସରପଞ୍ଚ ନିର୍ବାଚନ ହେବା ପାଇଁ ଆଦେଶନାମା ଜାରି ହୋଇଥିଲା। ପ୍ରିଜାଇଡିଂ ଅଫିସର ଭାବେ ପିଇଓ ନରହରି ନାୟକଙ୍କୁ ବ୍ଲକ ପକ୍ଷରୁ ନିଯୁକ୍ତ କରାଯାଇଥିଲା। ମାତ୍ର କୌଣସି ଓ୍ବାର୍ଡମେମ୍ବର ନିର୍ବାଚନରେ ସାମିଲ ହୋଇ ନ ଥିଲେ କି ଆସିଲେ ନାହିଁ । ଅପର ପକ୍ଷେ ଏପରି ଆଦେଶନାମା ବିରୋଧରେ ଚାନ୍ଦ ମୁଣ୍ଡା ମାନ୍ୟବର ଓଡ଼ିଶା ହାଇକୋର୍ଟଙ୍କ ଦ୍ୱାରସ୍ଥ ହୋଇଥିଲେ। କେସ୍ ନଂ ଡବ୍ଲ୍ୟୁପିସି ୭୮୩୫/୨୦୨୨ ଅଟେ। ଏଥିରେ କେନ୍ଦୁଝର ଜିଲାପାଳ,ଆନନ୍ଦପୁର ଉପଜିଲାପାଳ,ଜିଲା ପଞ୍ଚାୟତ ଅଧିକାରୀ,ହାଟଡିହୀ ବିଡିଓଙ୍କୁ ପକ୍ଷଭୁକ୍ତ କରି ନୋଟିସ ଜାରି କରିଛନ୍ତି। ଏଥିସହ ନାଏବ ସରପଞ୍ଚ ନିର୍ବାଚନ ହୋଇପାରେ କିନ୍ତୁ ଫଳାଫଳ ପ୍ରକାଶ ହେବନି ବୋଲି ମାନ୍ୟବର ଓଡ଼ିଶା ହାଇକୋର୍ଟ ୨୯.୩.୨୦୨୨ରେ ଆଦେଶ ଜାରି କରିଛନ୍ତି।