ଭାରତ-ପାକିସ୍ତାନ-ଆମେରିକା ସହିତ ୭୮ ଦେଶରେ ହେବ ନିର୍ବାଚନ: ୨୦୨୪ ନିର୍ବାଚନର ବର୍ଷ…

ଓ୍ବାଶିଂଟନ,୨୧।୧୨ : ଆସନ୍ତା ବର୍ଷରେ ଅର୍ଥାତ ୨୦୨୪ ରେ ଭାରତରେ ଲୋକସଭା ନିର୍ବାଚନ ଅନୁଷ୍ଠିତ ହେବ। ଭାରତର ପଡୋଶୀ ବାଂଲାଦେଶ ଏବଂ ପାକିସ୍ତାନରେ ମଧ୍ୟ ନିର୍ବାଚନ ହେବ। ଏହି ନିର୍ବାଚନ ଚକ୍ର କେବଳ ଦକ୍ଷିଣ ଏସିଆରେ ସୀମିତ ନୁହେଁ। ୨୦୨୪ ସମଗ୍ର ବିଶ୍ୱ ପାଇଁ ଏକ ନିର୍ବାଚନ ବର୍ଷ ହେବାକୁ ଯାଉଛି। ୨୦୨୪ରେ ବିଶ୍ୱର ୭୮ଟି ଦେଶରେ ୮୩ଟି ନିର୍ବାଚନ ହେବ। ଏହା ଜାତୀୟ ସ୍ତରୀୟ ଅବା ବିଧାନସଭା ନିର୍ବାଚନ ହେବ। ୱାଶିଂଟନ ସ୍ଥିତ ଥିଙ୍କ ଟାଙ୍କ ଆଟଲାଣ୍ଟିକ କାଉନସିଲ ଅନୁଯାୟୀ, ୨୦୨୪ ପରେ ଆସନ୍ତା ୨୪ ବର୍ଷ ପର୍ଯ୍ୟନ୍ତ ସାରା ବିଶ୍ୱରେ ଆଉ ଏତେ ସଂଖ୍ୟକ ନିର୍ବାଚନ ହେବ ନାହିଁ। ୨୦୪୮ ମସିହାରେ, ଏପରି ସମନ୍ବୟ ପୁନର୍ବାର ହୋଇପାରେ।

୨୦୨୪ ବର୍ଷରେ ଏସିଆ ମହାଦେଶରେ ସର୍ବାଧିକ ସଂଖ୍ୟକ ଭୋଟର ଭୋଟ ଦେବେ। ଚଳିତ ବର୍ଷ ବ୍ରାଜିଲ ଏବଂ ତୁର୍କୀରେ କୌଣସି ସାଧାରଣ ନିର୍ବାଚନ ହେବ ନାହିଁ କିନ୍ତୁ ସେଠାରେ ସ୍ଥାନୀୟ ନିର୍ବାଚନ ହେବ ଯେଉଁଥିରେ ସମଗ୍ର ଦେଶ ଅଂଶଗ୍ରହଣ କରିବେ। ସେହିଭଳି ୟୁରୋପୀୟ ୟୁନିଅନର ୨୭ ସଦସ୍ୟ ଦେଶ ପରବର୍ତ୍ତୀ ସଂସଦ ଚୟନ କରିବେ।

ଦି ଇକୋନୋମିଷ୍ଟ ଅନୁଯାୟୀ, ଯେଉଁ ଦେଶରେ ନିର୍ବାଚନ ଅନୁଷ୍ଠିତ ହେବାକୁ ଯାଉଛି, ସେମାନେ ଜତ-୨୦ ଏବଂ ଜି-୭ ପରି ବିଶ୍ୱର କେତେକ ଶକ୍ତିଶାଳୀ ଗୋଷ୍ଠୀର ଅଂଶ ଅଟନ୍ତି। ଯାହାର ଅର୍ଥ ହେଉଛି ସେମାନଙ୍କର ନିର୍ବାଚନ ଫଳାଫଳ ଭୌଗୋଳିକ ପ୍ରଭାବ ପକାଇବ ଏବଂ ଅନ୍ତର୍ଜାତୀୟ ପରିସ୍ଥିତିକୁ ମଧ୍ୟ ପ୍ରଭାବିତ କରିବ। ଆମେରିକାରେ ୨୦୨୪ରେ ନିର୍ବାଚନ ହେବାକୁ ଯାଉଛି।
୨୦୨୪ର ପ୍ରଥମ ମାସରେ ୭ ଜାନୁଆରୀରେ ବାଂଲାଦେଶରେ ସାଧାରଣ ନିର୍ବାଚନ ହେବ। ଏହା ପରେ, ଫେବୃଆରୀରେ ବିଶ୍ୱର ସର୍ବାଧିକ ମୁସଲମାନ ଜନସଂଖ୍ୟା ବିଶିଷ୍ଟ ଦୁଇ ଦେଶ ପାକିସ୍ଥାନ ଏବଂ ଇଣ୍ଡୋନେସିଆରେ ଗୋଟିଏ ସପ୍ତାହ ବ୍ୟବଧାନରେ ନିର୍ବାଚନ ଅନୁଷ୍ଠିତ ହେବ।

ମେ ମାସରେ ଦକ୍ଷିଣ ଆଫ୍ରିକାରେ ନିର୍ବାଚନ ଅନୁଷ୍ଠିତ ହେବ। ଦକ୍ଷିଣ ଆଫ୍ରିକାର ଆଲଜେରିଆ, ବୋତ୍ସଓ୍ବାନା, ଚାଦ, କୋମୋରୋସ, ଘାନା, ମରିସାନିଆ, ମରିସସ ମୋଜାମ୍ବିକ, ନାମ୍ବିଆ, ରୁୱାଣ୍ଡା, ସେନେଗାଲ, ସୋମାଲିଆନ, ଦକ୍ଷିଣ ସୁଦାନ, ଟ୍ୟୁନିସିଆ ଏବଂ ଟୋଗୋରେ ମଧ୍ୟ ନିର୍ବାଚନ ଅନୁଷ୍ଠିତ ହେବ।

ୟୁରୋପରେ ମଧ୍ୟ ଆସନ୍ତା ବର୍ଷରେ ଅନେକ ଦେଶରେ କ୍ଷମତା ପାଇଁ ଲଢ଼େଇ ହେବ। ୨୦୨୪ ରେ ୟୁରୋପରେ ୧୦ ରୁ ଅଧିକ ସଂସଦ ଏବଂ ରାଷ୍ଟ୍ରପତି ନିର୍ବାଚନ ହେବାକୁ ଯାଉଛି। ଯେଉଁ ଦେଶରେ ନିର୍ବାଚନ ଅନୁଷ୍ଠିତ ହେବାକୁ ଯାଉଛି, ସେଥିରେ ଫିନଲାଣ୍ଡ, ବେଲାରୁଷ, ପର୍ତ୍ତୁଗାଲ, ୟୁକ୍ରେନ, ସ୍ଲୋଭାକିଆ, ଲିଥୁଆ, ଆଇସଲାଣ୍ଡ, ବେଲଜିୟମ, ୟୁରୋପୀୟ ସଂସଦ, କ୍ରୋଏସିଆ, ଅଷ୍ଟ୍ରିଆ, ଜର୍ଜିଆ, ମୋଲଡୋଭା ଏବଂ ରୋମାନିଆ ଅନ୍ତର୍ଭୁକ୍ତ।

ଆସନ୍ତା ବର୍ଷ ୟୁରୋପୀୟ ୟୁନିଅନର ୨୭ଟି ଦେଶରେ ନିର୍ବାଚନ ଅନୁଷ୍ଠିତ ହେବ। ଫ୍ରାନ୍ସ, ଜର୍ମାନୀ ଏବଂ ସ୍ବିଡେନ ଭଳି ଦେଶ ଏଥିରେ ଅନ୍ତର୍ଭୁକ୍ତ।