ସୋର,୯ା୧(ଡି.ଏନ୍.ଏ): ଟିପିଏନ୍ଓଡିଏଲ ପକ୍ଷରୁ ସୋର ବିଦ୍ୟୁତ୍ ସବ୍ଡିଭିଜନ ଅନ୍ତର୍ଗତ ମଙ୍ଗଳପୁର ଶ୍ରୀନିବାସ କଲେଜ ପଡ଼ିଆଠାରେ ପ୍ରଥମ କରି ବିଦ୍ୟୁତ୍ ମିଟର ରିଡ଼ିଂ ପାଇଁ ପରୀକ୍ଷାମୂଳକ ଭାବେ ଡ୍ରୋନ୍ ଉଡ଼ାନ କରାଯାଇଛି। ୧୦ କି.ମି. ପରିଧି ମଧ୍ୟରେ ମିଟର ରିଡିଙ୍ଗ କରିବା ସହିତ ଆକାଶରେ ୮୦ ମିଟର ଦୂରରୁ ଥାଇ ଏହି ଡ୍ରୋନ୍ ଜଙ୍ଗଲ, ଅନ୍ଧାରୁଆ, ଜଳଘେର ଭିତରେ ରହିଥିବା ମିଟରରୁ ଜିପିଏସ୍ ସହାୟତାରେ ସଠିକ୍ ମିଟର ରିଡିଙ୍ଗ କରିବାର କ୍ଷମତା ରହିଥିବା ଉପସ୍ଥିତ ଅଧିକାରୀମାନେ ସୂଚନା ଦେଇଛନ୍ତି। କଲେଜ ପଡ଼ିଆରେ ଉଡ଼ିବା ଆରମ୍ଭ କରିଥିବା ଏହି ଡ୍ରୋନ୍ ସଫଳତାର ସହିତ ଶିଙ୍ଗାଖୁଣ୍ଟା, ମାଣିପୁର, ଗୋପୀନାଥପୁର, ଜଡ଼ିଦା ଏବଂ ମହୁମୁହାଣ ପଞ୍ଚାୟତରେ ଥିବା ମିଟରଗୁଡ଼ିକର ରିଡିଙ୍ଗ କରିଥିଲା। ଏହି ପରୀକ୍ଷଣ ବେଳେ କାଯର୍ୟନିର୍ବାହୀ ଯନ୍ତ୍ରୀ ଅଶୋକ କୁମାର ମଲ୍ଲିକ, କନିଷ୍ଠ ଯନ୍ତ୍ରୀ ମନୋଜ କୁମାର ପାଣି, ଲାଇନମ୍ୟାନ ପର୍ଶୁରାମ ନାୟକ, ପୂର୍ଣ୍ଣଚନ୍ଦ୍ର ବିଶ୍ୱାଳ ଏବଂ ଟାଟାର ଇଞ୍ଜନିୟମାନେ ଉପସ୍ଥିତ ରହିଥିଲେ। ପରବର୍ତ୍ତୀ ସମୟରେ ଏହି ଡ୍ରୋନ୍ ସହାୟତାରେ ବିଦ୍ୟୁତ୍ ଚୋରିକୁ ରୋକିବାପାଇଁ ବ୍ୟବହାର କରାଯିବ ବୋଲି ଅଧିକାରୀମାନେ କହିଛନ୍ତି।
