ଭୁବନେଶ୍ୱର,୧୬।୧୦(ବ୍ୟୁରୋ): କରୋନା ମହାମାରୀ ସମୟରେ ରାଜ୍ୟ ବିଦ୍ୟୁତ୍ ନିୟାମକ ଆୟୋଗ ହଠାତ୍ ୨୦ ପଇସା ବିଦ୍ୟୁତ୍ ଦର ବୃଦ୍ଧି କରିଛନ୍ତି। ଏହାକୁ କଂଗ୍ରେସ, ସିପିଆଇ, ସିପିଆଇ(ଏମ୍ଏଲ୍), ସମାଜବାଦୀ ପାର୍ଟି ତୀବ୍ର ବିରୋଧ କରିବା ସହ ଅନିଭବ ଆନ୍ଦୋଳନ କରିବ। ଦରବୃଦ୍ଧି ପ୍ରତିବାଦ ସ୍ବରୂପ ୧୬ ତାରିଖରୁ ଆସନ୍ତା ୨୨ ତାରିଖ ସନ୍ଧ୍ୟା ୬ଟା ସମୟରୁ ୧୫ ମିନିଟ୍ ପର୍ଯ୍ୟନ୍ତ ଉପଭୋକ୍ତାମାନେ ଘର ଅନ୍ଧାର ରଖିବାକୁ ଗୁରୁବାର ଅନୁଷ୍ଠିତ ବୈଠକରେ ନିଷ୍ପତ୍ତି ନିଆଯାଇଛି। ଏଥି ସହ ଏନେଇ ଜନସାଧାରଣଙ୍କୁ ମଧ୍ୟ ନିବେଦନ କରାଯାଇଛି। ଏହିଦିନ ଆନ୍ଦୋଳନକୁ ସଫଳ କରିବା ନିମନ୍ତେ ସମସ୍ତ ପ୍ରକାର ସହଯୋଗ ଦେବାକୁ ବୈଠକରେ ଅନୁରୋଧ କରାଯାଇଛି।
ଅଭିଯୋଗ କରାଯାଇଥିଲା ଯେ, କରୋନା ପାଇଁ ଛୋଟ ଦୋକାନୀ, କ୍ଷୁଦ୍ର ଓ ଅଣୁ ଉପତ୍ାଦନକାରୀ ସଂସ୍ଥା ସମେତ ସାଧାରଣ ଜନତାଙ୍କ ଉପରେ ବିଦ୍ୟୁତ୍ ଦର ଚାପ ପଡ଼ିବ। ବଡ଼ କମ୍ପାନୀ ଉପରେ ହଜାର ହଜାର କୋଟି ଟଙ୍କା ଆଦାୟ ନ ହୋଇ ରହିଛି। ଅଥଚ ଉପଭୋକ୍ତାଙ୍କ ଉପରେ ବୋଝ ଲଦା ଯାଉଛି। ବିତରକ କମ୍ପାନୀଗୁଡିକ ବିତରଣ ଜନିତ କ୍ଷୟକ୍ଷତି ନ କମାଇ ଉପଭୋକ୍ତାଙ୍କ ଉପରେ ଚାପ କେବଳ ନ୍ୟସ୍ତସ୍ବାର୍ଥ କମ୍ପାନୀ ଏବଂ ଅଫିସରଙ୍କ ପାଇଁ ହୋଇଛି ବୋଲି କୁହାଯାଇଛି।
