ଭୁବନେଶ୍ୱର, ୨୩।୯: କରୋନା ମହାମାରୀ ସମୟରେ ରାଜ୍ୟରେ ବଢ଼ିଛି ବିଦ୍ୟୁତ ଦର। ରାଜ୍ୟ ବିଦ୍ୟୁତ ନିୟାମକ ଆୟୋଗ ଆସନ୍ତା ଅକ୍ଟୋବର ମାସଠାରୁ ୟୁନିଟ୍ ପିଛା ୨୦ ପଇସା ବିଦ୍ୟୁତ ଦର ବଢ଼ାଇବାକୁ ନିଷ୍ପତ୍ତି ନେଇଛନ୍ତି। କିନ୍ତୁ ବର୍ଦ୍ଧିତ ଦର କୁଟୀର ଜ୍ୟୋତି ଓ ବିପିଏଲ୍ ଚାଷୀ ଉପଭୋକ୍ତାଙ୍କ ପାଇଁ ଲାଗୁ ହେବ ନାହିଁ। ନୂଆ ବିଦ୍ୟୁତ ଦର ଅନୁଯାୟୀ, ୫୦ ୟୁନିଟ୍ ପର୍ଯ୍ୟନ୍ତ ୨ଟଙ୍କା ୭୦ ପଇସା, ୧୦୦ ୟୁନିଟ୍ ପର୍ଯ୍ୟନ୍ତ ୩ ଟଙ୍କା ୬୦ ପଇସା, ୨୦୦ ୟୁନିଟ୍ ପର୍ଯ୍ୟନ୍ତ ୪ ଟଙ୍କା ୫ ପଇସା, ୩୦୦ ୟୁନିଟ୍ ପର୍ଯ୍ୟନ୍ତ ୪ ଟଙ୍କା ୫୩ ପଇସା, ୪୦୦ ୟୁନିଟ୍ ଯାଏଁ ୪ ଟଙ୍କା ୭୮ ପଇସା ଏବଂ ୫୦୦ ୟୁନିଟ୍ ପର୍ଯ୍ୟନ୍ତ ୫ ଟଙ୍କାକୁ ଦର ବୃଦ୍ଧି କରାଯାଇଛି।
