ଏ ଦୁନିଆରେ ଏମିତି କେହି ନାହାନ୍ତି ଯିଏ ସଙ୍ଗୀତ ଶୁଣିବାକୁ ପସନ୍ଦ କରନ୍ତି ନାହିଁ। ସଙ୍ଗୀତ ଯାହା କାନରେ ବାଜେ ସେ କିଛି ସମୟ ପାଇଁ ଉତ୍ଫୁଲିତ ହୋଇଉଠେ। ସାଧାରଣତଃ ବାଦ୍ୟଯନ୍ତ୍ର ସାହାଯ୍ୟରେ ଗୀତର ସ୍ବର ପଡ଼ିଥାଏ। ମାତ୍ର ଫଳରୁ କେବେ ସଙ୍ଗୀତ ଶୁଣିଛନ୍ତି? ମନକୁ ପ୍ରଶ୍ନ ଆସିବ ଫଳରୁ କେମିତି ସଙ୍ଗୀତ ଶୁଣିହେବ। ମାତ୍ର ଏହା ସତ ଅଟେ। ସୋସିଆଲ ମିଡିଆରେ ଏକ ଭିଡିଓ ଏବେ ଭାଇରାଲ ହେବାରେ ଲାଗିଛି, ଯେଉଁଥିରେ ଜଣେ ବ୍ୟକ୍ତି ତରଭୁଜ ଏବଂ କିୱି ବ୍ୟବହାର କରି ଇଲେକ୍ଟ୍ରୋନିକ ମ୍ୟୁଜିକ୍ ବଜାଉଛନ୍ତି।
ଏହି ଭିଡିଓଟି ପୂର୍ବତନ ବାସ୍କେଟବଲ ଖେଳାଳି ରେକ୍ସ ଚାପମ୍ୟାନ ତାଙ୍କ ସୋସିଆଲ ମିଡିଆ ଆକାଉଣ୍ଟରେ ଶେୟାର କରିଛନ୍ତି। ସେ କ୍ୟାପଶନ୍ ସହିତ ଟୁଇଟ୍ କରି ଲେଖିଛନ୍ତି ‘ବାଃ! ତରଭୁଜରୁ ସଙ୍ଗୀତର ଧୂନ୍ ’।
ଗୋଟିଏ ମିନିଟ୍ର ଏହି ଭିଡିଓରେ ଦେଖିବାକୁ ମିଳିଛି କିଛି ତରଭୁଜ ଖଣ୍ଡରୁ ଜଣେ ବ୍ୟକ୍ତି ବସି ମ୍ୟୁଜିକ୍ ବଜାଉଛନ୍ତି। ଏହାକୁ ଏକ ଟେବୁଲ ଉପରେ ରଖାଯାଇଛି। କେବଳ ତରଭୁଜ ନୁହେଁ, ଟେବୁଲ ଉପରେ ଦୁଇଟି କିୱି ମଧ୍ୟ ଅଛି। ଯଦି ଭିଡିଓଟିକୁ ଭଲ ଭାବରେ ଦେଖିବେ ତେବେ ଏହି ଫଳ ଖଣ୍ଡରେ ଅନେକ ତାର ଯୋଡ଼ା ଯାଇଥିବା ଦେଖିବାକୁ ପାଇବେ। ଯାହାକୁ ଏକ ଧାତୁ ବୋର୍ଡ ସହିତ ସଂଲଗ୍ନ ହୋଇଛ। ବୋର୍ଡରେ ଏକ ଲାପଟପ୍ ଯୋଡ଼ାଯାଇଛି। ପୂରା ସେଟିଂରେ ପ୍ୟାଡେଲ ସହିତ ଏକ ଡ୍ରମ ମଧ୍ୟ ଅଛି।
ବ୍ୟକ୍ତି ଜଣକ ଏକ ସିନ୍ଥେସାଇଜର ଚାବି ପରି ତରଭୁଜ ବଜାଇବା କ୍ଷଣିକେ ଏକ ଇଲେକ୍ଟ୍ରିକ୍ ଶବ୍ଦ ଉତ୍ପାଦନ ହୋଇଥାଏ। କିଛି ସେକେଣ୍ଡ ପରେ, ସେହି ସଙ୍ଗୀତରେ ଡ୍ରମ ବଜାଇଥାନ୍ତି। ପରେ କ୍ୱିଓ୍ବିକୁ ମଧ୍ୟ ସଙ୍ଗୀତ ଶୁଣାଇବା ସମୟରେ ଅଙ୍ଗୁଳି ବ୍ୟକ୍ତିଜଣକ ଦବାଉଥିବା ଦେଖିବାକୁ ମିଳିଛି।
ଏହି ଭିଡିଓ ସୋସିଆଲ ମିଡିଆରେ ବେଶ୍ ଆଦୃତ ହୋଇଛି। ବର୍ତ୍ତମାନ ସୁଦ୍ଧା ଭିଡିଓଟିକୁ ୩ ଲକ୍ଷରୁ ଅଧିକ ଥର ଦେଖାଯାଇଥିବା ବେଳେ ହଜାର ହଜାର ପ୍ରତିକ୍ରିୟା ମିଳିଛି। ଅନେକ ଲୋକ ଏହି ଭିଡିଓକୁ ନିଜ ସୋସିଆଲ ଆକାଉଣ୍ଟରେ ଶେୟାର ମଧ୍ୟ କରିଥିବା ଦେଖିବାକୁ ମିଳିଛି।