ଆଫ୍ରିକାର ଜାମ୍ବିଆରେ ଏକ ମାଈ ହାତୀ ଏବଂ କୁମ୍ଭୀର ମଧ୍ୟରେ ଲଢ଼େଇ ହେଉଥିବାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛି। ଭିଡିଓରେ ଦେଖିବାକୁ ମିଳିଛି, ହାତୀଟି କୁମ୍ଭୀରକୁ ପାଣି ଭିତରେ ଶୁଣ୍ଢରେ ମାରୁଛି। ମଝିରେ ମଝିରେ ତା’ ଉପରେ ପାଦ ଦେଇ ଚଢ଼ିଯାଉଥିବା ଦେଖିବାକୁ ମିଳିଛି। ଏହି ଦୁଇ ପ୍ରାଣୀଙ୍କ ମଧ୍ୟରେ ଲଢ଼େଇର ଭିଡିଓକୁ ଜଣେ ପର୍ଯ୍ୟଟକ ଶୁଟିଂ କରି ସୋସିଆଲ ମିଡିଆରେ ଶେୟାର କରିଦେଇଛନ୍ତି। ଭିଡିଓରେ ଦେଖନ୍ତୁ ଶେଷକୁ କ’ଣ ଘଟିଛି…
ଏହି ଘଟଣା ଆଫ୍ରିକାରେ ଘଟିଛି। ହାତୀଟି ଜାମ୍ବେଜୀ ନଦୀରେ କୂଳକୁ ପାଣି ପିଇବାକୁ ଆସିଥିଲା। ଏହି ସମୟରେ କୁମ୍ଭୀରଟି ହାତୀର ଏକ ଛୁଆ ଉପରେ ଆକ୍ରମଣ ପାଇଁ ଚେଷ୍ଟା କରିଥିଲା। ଏହା ଦେଖି ହାତୀର ରାଗ ମୁଣ୍ଡକୁ ଚଢ଼ି ଯାଇଥିଲା। ସେ ସଙ୍ଗେ ସଙ୍ଗେ କୁମ୍ଭୀର ଉପରେ ଆକ୍ରମଣ ଆରମ୍ଭ କରି ଦେଇଥିଲା। ଶୁଣ୍ଢରେ କୁମ୍ଭୀରକୁ ବାରମ୍ବାର ମାରୁଥାଏ। କୁମ୍ଭୀର ହାତୀଠାରୁ ଖସିବା ପାଇଁ ବହୁତ ଚେଷ୍ଟା କରୁଥାଏ। ମାତ୍ର ବିଫଳ ହୋଇଥିଲା। କିଛି ସମୟ ପରେ ହାତୀଟି ପାଣି ଭିତରୁ ଉପରକୁ ଆସିଥିଲା। ଏହା ପରେ କୁମ୍ଭୀରକୁ ଆଉ ଦେଖିବାକୁ ମିଳି ନ ଥିଲା। ଯାହା ଅନୁମାନ କରାଯାଉଛି ହାତୀଟି କୁମ୍ଭୀରକୁ ମାରିଦେଇଛି କିମ୍ବା ଘାଇଲା କରି ଦେଇଛି।
ଏହି ପୂରା ଘଟଣାର ଭିଡିଓକୁ ହଂସ ହେନେରିକ୍ ହାର ଶୁଟ୍ କରିଥିଲେ। ହେନେରିକ୍ ଡେନମାର୍କରେ ରୁହନ୍ତି। ଭିଡିଓରେ ଦେଖିବାକୁ ମିଳିଛି ୭-୮ଫୁଟ ଲମ୍ବର କୁମ୍ଭୀର ଏବଂ ହାତୀ ମଧ୍ୟରେ ଜୋରଦାର ଲଢ଼େଇ ହେଉଥିଲା।