ପ୍ରତ୍ୟେକ ଦିନ ସୋସିଆଲ ମିଡିଆରେ କିଛିନା କିଛି ଭିଡିଓ ଭାଇରାଲ ହେଉଛି। ସେଥିରୁ କେତେକ ଭିଡିଓ ହସର ଖୋରାକ ଯୋଗାଉଥିବା ବେଳେ କେତେକ ଆଶ୍ଚର୍ଯ୍ୟ କରିପକାଏ। ବର୍ତ୍ତମାନ ଭାଇରାଲ ହେଉଥିବା ଭିଡିଓରେ ଜଙ୍ଗଲ ସଫାରି ଦେଖିବାକୁ ମିଳିଛି। ବେଳେ ବେଳେ ଜଙ୍ଗଲ ସଫାରି ଉତ୍ସାହପୂର୍ଣ୍ଣ ହୋଇଥିବା ବେଳେ ଏହାର ଅନୁଭୂତି ବହୁତ ଖରାପ ହୋଇଥାଏ।
ଜିପ୍ରେ ଜଙ୍ଗଲ ସଫାରି କରିବା ବେଳେ ହାତୀ ରାସ୍ତା ଅଟକାଇଥିଲା। ମାତ୍ର ଉକ୍ତ ଜିପ୍ ଡ୍ରାଇଭରଙ୍କ ଉପସ୍ଥିତ ବୁଦ୍ଧିଯୋଗୁ ହାତୀ ରାସ୍ତାରୁ ହଟି ଯାଇଥିଲା। ଯାହାକୁ ନେଇ ଚର୍ଚ୍ଚା ବଢ଼ିଛି।
ଭାଇରାଲ ଭିଡିଓରେ ଦେଖିବାକୁ ମିଳୁଛିଯେ, ଜଙ୍ଗଲ ସଫାରି ଉପଭୋଗ କରୁଥିବା ପର୍ଯ୍ୟଟକଙ୍କ ଜିପ ଧୀରେ ଧୀରେ ଗତି କରୁଛି। ଏହି ସମୟରେ ହାତୀପଲ ଗାଡି ଆଗକୁ ଚାଲି ଆସୁଛନ୍ତି। ସମାନଙ୍କ ମଧ୍ୟରୁ ଜଣେ ଆକ୍ରମଣ ମୋଡ୍ରେ ଜିପ ଆଡକୁ ଦୌଡୁଥିବା ଦେଖିବାକୁ ମିଳୁଛି। ତେବେ ଡ୍ରାଇଭର ଗାଡିିକୁ ପଛକୁ ନେବା ପରିବର୍ତ୍ତେ ବାହାରକୁ ଆସି ଜିପ୍ର ବନେଟ ବଜେଇବା ଆରମ୍ଭ କରୁଛନ୍ତି। ମାତ୍ର ଯେତେବେଳେ ହାତୀ ଅଧିକ ଯୋରରେ ଆସିବାକୁ ଲାଗୁଛି ସେ ହାତୀକୁ ଟ୍ରାଫିକ୍ ପୋଲିସ ପରି ହାତ ଦେଖାଇ ଷ୍ଟପ୍ ନିର୍ଦ୍ଦେଶ ଦେଉଛନ୍ତି। ପରେ ହାତୀଟି ଫେରିଯାଉଛି। ଏହି ଭିଡିଓଟି ଇନଷ୍ଟାଗ୍ରାମରେ @ ୱାଇଲ୍ଡଟ୍ରାଏଲ.ଇନରେ ଫେବୃଆରୀ ୬ରେ ପୋଷ୍ଟ କରାଯାଇଥିଲା। ଏହା ବର୍ତ୍ତମାନ ଭାଇରାଲ ହେଉଛି।