କେନ୍ଦୁଝର,୨୭ା୨(ସ୍ବ.ପ୍ର.): ରାଜ୍ୟ ଏସ୍ଟିଏଫ୍ ଟିମ୍ ଦାନ୍ତ ଚୋରା କାରବାର ବେଳେ ଚଢ଼ାଉ କରି ଦୁଇ ଜଣଙ୍କୁ ଗିରଫ କରିବା ସହ ସେମାନଙ୍କ ଠାରୁ ଦୁଇଟି ହାତୀଦାନ୍ତ ଜବତ କରିଛି। ସେମାନେ ହେଲେ କଲଣ୍ଡା ଗ୍ରାମର ରମାକାନ୍ତ ପ୍ରଧାନ ଓ ଅନାମ ମୁଣ୍ଡା। ସେମାନଙ୍କ ଠାରୁ ୫ କିଲୋ ୬୬୨ ଗ୍ରାମ ଓଜନର ଦୁଇଟି ଦାନ୍ତ ଜବତ ହୋଇଛି ବୋଲି ଡିଏଫ୍ଓ ଧନରାଜ ଏଚ୍ଡି ସୂଚନା ଦେଇଛନ୍ତି। ଦାନ୍ତ କିଣା ବିକା ବେଳେ ସେମାନଙ୍କୁ ଧରା ଯାଇଥିବା ବେଳେ ଏହି ଦାନ୍ତ କେଉଁ ହାତୀର ଓ କେଉଁଠି ହତ୍ୟା କରାଯାଇ କାରବାର କରାଯାଉଥିଲା ତାହା ସ୍ପଷ୍ଟ ହୋଇ ନାହିଁ।