କେନ୍ଦୁଝର,୮।୨(ସ୍ବ.ପ୍ର.): ସ୍ବତନ୍ତ୍ର ଟାସ୍କଫୋର୍ସ କେନ୍ଦୁଝର ସହର କାଶୀପୁର ନିକଟରୁ କିଣାବିକା ଚାଲିଥିବା ବେଳେ ଚଢ଼ାଉ କରି ଜଣେ ବ୍ୟକ୍ତିଙ୍କ ଠାରୁ ଏକ ବାଘ ଚମଡ଼ା ଓ ଦୁଇଟି ହାତୀଦାନ୍ତ ଜବତ କରିଛି। ଯାଞ୍ଚ ବେଳେ ଏହି କାରବାରରେ ଜଡ଼ିତ ୩ ଜଣଙ୍କୁ ଗିରଫ କରାଯାଇଛି।
ମୟୂରଭଞ୍ଜ ଜିଲା ଘୋଷଦାର ସେକ୍ ହାସମତୀ ଅଲ୍ଲୀ, ଚନ୍ଦ୍ରକାନ୍ତ ଧଳ, କେନ୍ଦୁଝର ଜିଲା ଜଂଘିରାର ମଳୟକୁମାର ରାଉତଙ୍କୁ ଗିରଫ କରାଯାଇଛି। କେସ୍ ନମ୍ବର ୬/ ୭/୨/୨୦୨୧ରେ ଗିରଫ କରାଯାଇ କୋର୍ଟ ଚାଲାଣ କରାଯାଇଛି। ଜବତ ଦାନ୍ତ ଓ ଚମଡ଼ାକୁ ଡେରାଡୁନକୁ କେମିକାଲ ଯାଞ୍ଚ ପାଇଁ ପଠାଯାଇଛି।