ସୁନ୍ଦରଗଡ଼,୧ା୩(ଡି.ଏନ୍.ଏ.): ସୁନ୍ଦରଗଡ଼ ଜିଲା ବଡ଼ଗାଁ ଫରେଷ୍ଟ ରେଞ୍ଜ ଅନ୍ତର୍ଗତ କୁଲସର ଗାଁ ନିକଟ ଛୁଆଲି ଘାଟି ଜଙ୍ଗଲରେ ବୁଧବାର ମଧ୍ୟାହ୍ନରେ ଯୁବକ ଜଣେ ମହିଳାଙ୍କୁ ବାଇକ୍ରେ ବସାଇ କୌଣସି କାମରେ ଜଙ୍ଗଲକୁ ଯାଇଥିବା ବେଳେ ହାତୀ ହାବୁଡ଼ରେ ପଡ଼ିଯିବାରୁ ମହିଳାଙ୍କୁ ହାତୀ ଘୋଷାଡ଼ି ନେଇ ଦଳି ଦେବାରୁ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଛି। ମହିଳା ଜଣକ ହେଲେ ତେତେଲକେରା ଗ୍ରାମର କମଲି କୁଜୁର (୩୩)। ହାତୀ ମହିଳାଙ୍କୁ ଦଳି ଦେଇଥିବା ଦେଖି ଘଟଣାସ୍ଥଳରୁ ଯୁବକ ଜଣକ ଦୌଡ଼ି ପଳାଇଥିଲେ। ବଡ଼ଗାଁ ଥାନାରେ ଯୁବକ ଜଣାଇଲା ପରେ ପୋଲିସ ଓ ବନ ବିଭାଗ କର୍ମଚାରୀମାନେ ଘଟଣାସ୍ଥଳକୁ ପହଞ୍ଚି ତଦନ୍ତ ଆରମ୍ଭ କରିଛି। ଯୁବକ ଜଣକ ରାଜଗାଙ୍ଗପୁର ନିକଟ ଝାରବେଡ଼ା ଗ୍ରାମର ବୋଲି ଜଣାପଡ଼ିଛି।