ଚିତ୍ରଡା,୯।୯(ଡି.ଏନ୍.ଏ.): ମୟୂରଭଞ୍ଜ ଜିଲା ମୋରଡ଼ା ବ୍ଲକ ତଥା ରାସଗୋବିନ୍ଦପୁର ରେଞ୍ଜକୁ ପ୍ରବେଶ କରି ଆତଙ୍କ ଖେଳାଇଛି ଏକ ଝାଡ଼ଖଣ୍ଡୀ ହାତୀ। ରାତି ପ୍ରାୟ ୯ଟାରେ ହାତୀଟି ଚିତ୍ରଡା ଅଞ୍ଚଳର ଗାଁରେ ଏଣେତେଣେ ବୁଲିଥିଲା। ବନ କର୍ମଚାରୀ ଘଉଡାଇବାରେ ବିଫଳ ହେବାରୁ ଅଞ୍ଚଳବାସୀ ବାଣ ଫୁଟାଇ ଜଙ୍ଗଲକୁ ଘଉଡାଇ ଥିଲେ। ପଶ୍ଚିମବଙ୍ଗ ପଟୁ ୩ଟି ଝାଡ଼ଖଣ୍ଡି ହାତୀ ପଶି ଆସୁଥିବା ସମୟରେ ୨ଟି ହାତୀଙ୍କୁ ବନବିଭାଗ ପ୍ରବେଶ କରାଇ ଦେଇ ନ ଥିଲା। କିନ୍ତୁ ଉକ୍ତ ହାତୀଟି ଜଙ୍ଗଲ ପଟୁ ପଶି ଆସିଥିବା କଥା ରେଞ୍ଜର ପ୍ରଶାନ୍ତ କୁମାର ବେହେରା ସୂଚନା ଦେଇଛନ୍ତି। ହାତୀଟି ଆସିବା ବାଟରେ ବ୍ୟାପକ ଧାନ ଫସଲ ନଷ୍ଟ କରିଥିବା ସୂଚନା ମିଳିଛି।