ପ୍ରତିଦିନ ସୋସିଆଲ ମିଡିଆରେ କିଛି ମଜାଦାର ଫଟୋ ଏବଂ ଭିଡିଓ ଭାଇରାଲ ହୋଇଥାଏ, ଯାହା ୟୁଜର୍ସଙ୍କୁ ମନୋରଞ୍ଜନର ଖୋରାକ ଯୋଗାଇଥାଏ। ନିକଟରେ ସୋସିଆଲ ମିଡିଆରେ ଏଭଳି ଏକ ମଜାଦାର ଭିଡିଓ ସାମ୍ନାକୁ ଆସିଛି। ଯେଉଁଥିରେ କୁନି ହାତୀ ଫୁଟବଲ ଖେଳୁଥିବା ଦେଖିବାକୁ ମିଳିଛି।
ସାଧାରଣତଃ ହାତୀମାନେ ଜଙ୍ଗଲରେ ବୁଲୁଥିବାର ଦେଖାଯାଏ। ନିଜ ଶକ୍ତି ସହିତ ବଡ ଗଛ ଓପାଡି ଦିଅନ୍ତି। କିନ୍ତୁ ଭାଇରାଲ ଭିଡିଓରେ ନଜର ଆସିଥିବା ହାତୀଟି ବହୁତ ସୁନ୍ଦର ଭାବରେ ଫୁଟ୍ବଲ୍ ଖେଳି ସମସ୍ତଙ୍କ ଦୃଷ୍ଟି ଆକର୍ଷଣ କରିଛି। ଶିଶୁ ହାତୀଟି ଫୁଟବଲକୁ ବେଳେବେଳେ ପାଦରେ ଏବଂ ଶୁଣ୍ଢରେ ଠେଲୁଛି। ଫୁଟବଲ୍ ଖେଲୁଥିବା ସମୟରେ ଥରେ ହାତୀ ପଡିଯାଇଥିଲେ ମଧ୍ୟ ସେ ପୁଣି ଉଠି ଖେଳୁଛି।
ଏହି ଭିଡିଓ ଟୁଇଟର୍ରେ ବୁଇଟେଙ୍ଗେବାଇଡେନ ନାମକ ଜଣେ ୟୁଜର୍ସଙ୍କ ଦ୍ୱାରା ପୋଷ୍ଟ କରାଯାଇଛି। କୁନି ହାତୀର ଏହି ସୁନ୍ଦର ଭିଡିଓ ସୋସିଆଲ ମିଡିଆରେ ସମସ୍ତଙ୍କ ଦୃଷ୍ଟି ଆକର୍ଷଣ କରିଛି। ଏପର୍ଯ୍ୟନ୍ତ ଏହି ଭିଡିଓକୁ ୩୦ ଲକ୍ଷରୁ ଅଧିକ ଥର ଦେଖାଯାଇଛି। ଏଥି ସହିତ ୫୬ ହଜାରରୁ ଅଧିକ ୟୁଜର୍ସ ଏହାକୁ ପସନ୍ଦ କରିଛନ୍ତି।
https://twitter.com/buitengebieden/status/1638563341000908804
