ଚମ୍ପୁଆ,୮।୫: କେନ୍ଦୁଝର ଜିଲା ଚମ୍ପୁଆ ବନାଞ୍ଚଳ ଅଧୀନ ଚମ୍ପୁଆ ଓ ଉଖୁଣ୍ଡା ଅଞ୍ଚଳରେ ୬ଦିନ ଧରି ହାତୀ ପଲଙ୍କ ଉପତ୍ାତ ଜାରି ରହିଛି। ଏଥିରେ ବନ ବିଭାଗ ନାକେଦମ ହୋଇଥିବା ବେଳେ ଉଖୁଣ୍ଡା ଓ ଚମ୍ପୁଆ ସେକ୍ସନର ସ୍କାଡକୁ ହାତୀ ପଲ ଉପରେ ନଜର ରଖିବା ପାଇଁ ନିୟୋଜିତ କରାଯାଇଛି। ସୂଚନା ଅନୁସାରେ ୭ ଗୋଟିଆ ହାତୀ ପଲ ପ୍ରଥମେ ଚମ୍ପୁଆ ସେକ୍ସନରେ ପ୍ରବେଶ କରି ରଜିଆ ଓ କଇଁତା ଅଞ୍ଚଳରେ ଉତ୍ପାତ ଜାରି ରଖିଥିଲେ। ପରେ ଏହି ହାତୀ ପଲ ଟୁଣୁଟୁଣା ଅଞ୍ଚଳରେ ରହି ଖରାଟିଆ ଧାନ ଚାଷ ନଷ୍ଟ କରିବା ପରେ ଗତରାତି ଉଖୁଣ୍ଡା ସେକ୍ସନର ଲକ୍ଷ୍ମୀପଶି ଅଞ୍ଚଳରେ ପ୍ରବେଶ କରି ଲିବ୍ୟା ମୁଣ୍ଡା ଓ ରମେଇ ମୁଣ୍ଡାଙ୍କ ଘର ଭାଙ୍ଗିଥିବା ବନ ବିଭାଗ ସୂଚନା ଦେଇଛି। ହାତୀ ପଲରେ କେତେକ ଛୁଆ ହାତୀ ରହିଥିବାରୁ ହାତୀ ଛୁଆମାନେ ସ୍ଥାନ ଛାଡି ଯାଉ ନ ଥିବା ଜଣାପଡିଛି। ପୂର୍ବରୁ ହାତୀ ପଲ ଦିନବେଳା ଜଙ୍ଗଲରେ ରହୁଥିବା ବେଳେ ରାତି ହେଲେ ଜଙ୍ଗଲରୁ ବାହାରି କ୍ଷୟକ୍ଷତି ଘଟାଉଛନ୍ତି। ମାତ୍ର ଏହି ୧୭ଟିକିଆ ହାତୀ ପଲ ଦିନାବେଳା ମଧ୍ୟ ଜଙ୍ଗଲରେ ନ ରହି ଚାରିଆଡେ ବୁଲୁଥିବାରୁ ବନ ବିଭାଗର ଚିନ୍ତା ବଡାଇଦେଇଛି। ଏ ନେଇ ଚମ୍ପୁଆ ଚମ୍ପୁଆ ରେଞ୍ଜର ଶିବ ରାଉତ କହିଛନ୍ତି, ୨୦ରୁ ଅଧିକ ହାତୀ ସ୍କ୍ବାଡ ଓ ପାରା ଷ୍ଟାଫଙ୍କୁ ନେଇ ୩ଟି ଗାଡିରେ ହାତୀ ଘଉଡାଇବା କାର୍ଯ୍ୟ ଚାଲୁ ରହିଛି। ଅଯଥା ଜନ ସାଧାରଣ ହାତୀ ପାଖକୁ ଯାଇ ହଇରାଣ ନ କରିବା ପାଇଁ ଅନୁରୋଧ କରିଛନ୍ତି।