ପାଟଣା,୧୬ା୮(ସ୍ବ.ପ୍ର.): କେନ୍ଦୁଝର ଜିଲା ପାଟଣା ରେଞ୍ଜ ଉଦୟପୁର ବିଟ୍ ଅଞ୍ଚଳର ବିନିଦା, ବାଲିପଶି ଓ ମଙ୍ଗଳପୁର ଗାଁରେ ୨୨ଟି ବଣୁଆ ହାତୀ ଉପଦ୍ରବ କରିଥିବା ଦେଖିବାକୁ ମିଳିଛି।
ସୂଚନାଯୋଗ୍ୟ, ଶନିବାର ବିଳମ୍ବିତ ରାତିରେ ଏହି ୨୨ ଟିକିଆ ହାତୀପଲ ଜଣଙ୍କ ପାଇଖାନା ଘର ଭାଙ୍ଗିବା ସହ ଏକର ଏକର ଧାନଫସଲ ସହ ପରିବା କିଆରିରେ ପଶି ଦଳିଚକଟି ନଷ୍ଟ କରିଛନ୍ତି। ଉକ୍ତ ହାତୀପଲ କରଞ୍ଜିଆ ରେଞ୍ଜରୁ ଆସି ଉଦୟପୁର ବିଟ୍ରେ ଉପଦ୍ରବ ଘଟାଇ ପୁଣି କରଞ୍ଜିଆ ରେଞ୍ଜର ବଡ଼ ଦେଉଳି ଜଙ୍ଗଲକୁ ଚାଲି ଯାଇଥିବା ଜଣାପଡ଼ିଛି।