ବାଲିଶଙ୍କରା,୩୦।୮(ଡି.ଏନ୍.ଏ.): ସୁନ୍ଦରଗଡ଼ ଜିଲା ଘୋଘର ଗ୍ରାମରେ ସୋମବାର ସକାଳେ ଏକ ଅଭାବନୀୟ ଘଟଣା ଘଟିଛି। ମାନସିକ ପୂର୍ଣ୍ଣ ପାଇଁ ଆସିଥିବା ଜଣେ ମହିଳାଙ୍କ ହାତୀ ଆକ୍ରମଣରେ ମୃତ୍ୟୁ ଘଟିଛି। ମୃତ ମହିଳା ଜଣଙ୍କ ବିଲେଇବାଇ(୪୫)। ବିଲେଇ ଭୋରୁ ଶୌଚ ହେବାପାଇଁ ଯାଇଥିବା ବେଳେ ହାତୀ ଆକ୍ରମଣରେ ତାଙ୍କର ମୃତ୍ୟୁ ଘଟିଥିଲା। ଖବରପାଇ ବନବିଭାଗ ଏବଂ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଚଳାଇଥିଲେ। ପରେ ମୃତଦେହ ବ୍ୟବଚ୍ଛେଦ ନିମନ୍ତେ ସୁନ୍ଦରଗଡ଼ ମୁଖ୍ୟ ଡାକ୍ତରଖାନାକୁ ପଠାଯାଇଛି।
ସୂଚନାଯୋଗ୍ୟ, ଛତିଶଗଡ଼ ସରଖୁଜା ଜିଲା ସୀତାପୁର ଥାନା ବିଷ୍ଣୁପୁର ଗ୍ରାମରୁ ନଅଜଣ ଶ୍ରଦ୍ଧାଳୁ ନିଜ ମାନସିକ ପୂର୍ଣ୍ଣ ପାଇଁ ସୁନ୍ଦରଗଡ଼ ଜଗନ୍ନାଥ ମନ୍ଦିର ଏବଂ ସମଲେଶ୍ୱରୀଙ୍କୁ ଦର୍ଶନ କରି ଫେରୁଥିଲେ। ଫେରିବା ସମୟରେ ରାତି ହୋଇଯିବାରୁ ସେମାନେ ବାଲିଶଙ୍କରା ଗ୍ରାମରେ ଆଶ୍ରୟ ନେଇଥିଲେ।