ମହାକାଳପଡ଼ା,୩୧ା୧୦(ଡି.ଏନ୍.ଏ.): କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକର ସୋବଳା ଗାଁରେ ରବିବାର ଏକ ହାତୀକୁ ଦେଖି ଲୋକେ ଭୟଭୀତ ହୋଇପଡ଼ିଛନ୍ତି। ଗତ ୨୮ ତାରିଖରେ ଏହି ହାତୀ କେନ୍ଦ୍ରାପଡ଼ା ଜିଲାର ଡେରାବିଶ ବ୍ଲକର ଲକ୍ଷ୍ମୀନାରାୟଣପୁର ଗାଁରେ ଦେଖାଦେଇଥିଲା। ବନ ବିଭାଗ ଗୋଡ଼େଇ କଟକ ଓ ପରେ ଜଗତସିଂହପୁରରେ ଛାଡ଼ିଥିଲା। ଜଗତସିଂହପୁରରୁ ପୁଣି କେନ୍ଦ୍ରାପଡ଼ାରେ ପହଞ୍ଚିଛି ଏହି ହାତୀ। ଗତ ୨୮ ତାରିଖରେ ହାତୀ କଟକ ଜିଲାର କଟିକଟାଠାରେ ଜଣେ ବୃଦ୍ଧ ଚାଷୀଙ୍କୁ ପାଦରେ ଦଳି ଦେଇଥିଲା । ଆଜି ଏହି ହାତୀକୁ ସୋବଳା ଗାଁରେ ଲୋକେ ଦେଖି ଭୟରେ ତାଟି କବାଟ ପକାଇ ଦେଇଛନ୍ତି। ମାର୍ଶାଘାଇ ପୋଲିସ ବନବିଭାଗକୁ ଖବର ଦେଇଥିବା ଜଣାପଡ଼ିଛି।