ପରସ୍ପର ପ୍ରତି ପ୍ରେମ ଏବଂ ଭାବନାକୁ ପ୍ରକାଶ କରିବାର ଉପାୟ ସମସ୍ତଙ୍କର ଭିନ୍ନଭିନ୍ନ ହୋଇଥାଏ। ଠିକ୍ ହାତୀମାନେ ମଧ୍ୟ ସେମାନଙ୍କ ଦଳରେ ନୂତନ ସଦସ୍ୟଙ୍କୁ ସ୍ବାଗତ କରିବା ପାଇଁ ଏକ ବିଶେଷ ଉପାୟ ଆପଣାଇଥାନ୍ତି।
ନିକଟରେ ସେଲ୍ଡ୍ରିକ୍ ଓ୍ବାଇଲ୍ଡ ଲାଇଫ୍ ଟ୍ରଷ୍ଟ ପକ୍ଷରୁ ସୋସିଆଲ ମିଡିଆରେ ଏକ ଭିଡିଓ ଶେୟାର କରାଯାଇଛି। ଭିଡିଓରେ ଦର୍ଶାଯାଇଛି, ହାତୀମାନେ ଏକ ନୂତନ ସଦସ୍ୟଙ୍କୁ ପରିବାରକୁ ସ୍ବାଗତ କରୁଛନ୍ତି।
ଏହି ଭିଡିଓରେ କେରିଓ ନାମକ ଏକ ଛୋଟ ହାତୀ ନର୍ସରୀ ମଧ୍ୟକୁ ପ୍ରବେଶ କରୁଛି। ଏହି ସମୟରେ ସେଠାରେ ଥିବା ବଡ଼ବଡ଼ ହାତୀମାନେ ତାକୁ ସ୍ବାଗତ କରୁଛନ୍ତି। ଏଥିରେ କ୍ୟାପଶନ ଲେଖା ହୋଇଛି, ‘ଏମିତି ଆମେ ନୂତନ ଅତିଥିଙ୍କୁ ସ୍ବାଗତ ଜଣାଉଛୁ। ଛୋଟ ହାତୀଟିକୁ ଅନ୍ୟ ହାତୀମାନେ ଶୁଣ୍ଢ ସାହାଯ୍ୟରେ ଆଲିଙ୍ଗନ କରୁଥିବା ଭିଡିଓରେ ଦେଖିବାକୁ ମିଳିଛି।
ଭିଡିଓଟିକୁ ଲୋକେ ବହୁତ ପସନ୍ଦ କରିଛନ୍ତି। ବର୍ତ୍ତମାନ ସୁଦ୍ଧା ଏହାକୁ ୪୦ ହଜାରରୁ ଅଧିକ ଲୋକ ଦେଖିସାରିଲେଣି। ସେହିପରି ୟୁଜରମାନେ ବେଶ୍ ମଜାଳିଆ କମେଣ୍ଟ ଦେଇଛନ୍ତି। ଜଣେ ୟୁଜର ଲେଖିଛନ୍ତି, ମୋତେ ବହୁତ ଭଲ ଲାଗେ ହାତୀମାନଙ୍କର ଭାବନା। ଅନ୍ୟ ଜଣେ ୟୁଜର ଲେଖିଛନ୍ତି, ବହୁତ ସୁରକ୍ଷା ସହିତ ସ୍ବାଗତ। ଆଉ ଜଣେ ୟୁଜର ଲେଖିଛନ୍ତି, ବାଃ ବହୁତ ବଢ଼ିଆ। ସବୁଠୁ ସୁନ୍ଦର ଭିଡିଓ।