ନୂଆଦିଲ୍ଲୀ,୧୬।୧ : ଏନ୍ସିପି ନେତା ଅଜିତ ପାଓ୍ବାର ଶନିବାର ଅଳ୍ପକେ ବର୍ତ୍ତି ଯାଇଛନ୍ତି। ପୁଣେର ଏକ ହସ୍ପିଟାଲ ବିଲ୍ଡିଂ ଉଦ୍ଘାଟନ କରିବାକୁ ପାଓ୍ବାର ଯାଇଥିଲେ। ସେ ତୃତୀୟ ମହଲାରୁ ଷ୍ଟ୍ରେଚର ଲିଫ୍ଟ ଯୋଗେ ଚତୁର୍ଥ ମହଲାକୁ ଯାଉଥିଲେ। ଯାନ୍ତ୍ରିକ ତ୍ରୁଟି ଯୋଗୁ ଏହା ୪ର୍ଥ ମହଲାରୁ ତଳ ମହଲାକୁ ଖସିପଡ଼ିଥିଲା। ଉକ୍ତ ଲିଫ୍ଟରେ ପାଓ୍ବାରଙ୍କ ସହ ଜଣେ ଡାକ୍ତର ଓ ୨ ଜଣ ସୁରକ୍ଷା କର୍ମୀ ଥିଲେ। ସୁରକ୍ଷା କର୍ମୀ କୌଣସି ପ୍ରକାରେ ଡୋର୍ ଖୋଲିଦେବାରୁ ସେମାନେ ସୁରକ୍ଷିତ ଭାବେ ବାହାରିଆସିଥିଲେ।