ଦୀର୍ଘ ଦିନ ଧରି ଯୁବତୀଙ୍କ କାରବାର ସମସ୍ୟା ସହ ଚାଇନା ସଂଘର୍ଷ କରିଆସୁଛି। ଏହା ପଛରେ ଦୁଇଟି ମୁଖ୍ୟ କାରଣ ଅଛି। ପ୍ରଥମ କାରଣ ହେଉଛି ଚାଇନାରେ ଦୀର୍ଘ ଦିନ ଧରି ଚାଲିଆସୁଥିବା ‘ଗୋଟିଏ ଶିଶୁ ନୀତି’ ଥିବାବେଳେ ଦ୍ୱିତୀୟ କାରଣ ହେଉଛି ଲୋକଙ୍କ ମଧ୍ୟରେ ପୁଅ ଜନ୍ମ ହେବାର ଇଚ୍ଛା। ବର୍ତ୍ତମାନ ପରିସ୍ଥିତି ଏପରି ହୋଇଛି ଯେ ଚାଇନାର ପୁରୁଷମାନଙ୍କୁ କନ୍ୟା ମିଳନାହିଁ। ଏହି କାରଣରୁ ପଡୋଶୀ ଦେଶରୁ ମହିଳା ଏବଂ ଯୁବକଙ୍କୁ କିଣିବାର ବ୍ୟବସାୟ ଆରମ୍ଭ ହୋଇଛି।
ଏହି ବ୍ୟବସାୟ ଅଧୀନରେ ଜଣେ କୁଆଁରୀ ଝିଅକୁ ୨୫ ହଜାର ଟଙ୍କା ଦେଇ କିଣାଯାଉଛି ଏବଂ ସବୁଠାରୁ ଆଶ୍ଚର୍ଯ୍ୟଜନକ କଥା ହେଉଛି ଗାଁର ସମସ୍ତ ପୁରୁଷ ଯୁବତୀଙ୍କୁ ସେ ପର୍ଯ୍ୟନ୍ତ ବଳାତ୍କାର କରନ୍ତି , ଯେ ପର୍ଯ୍ୟନ୍ତ ସେ ମରିନାହାନ୍ତି। ଏହି ତିକ୍ତ ସତ୍ୟକୁ ଉତ୍ତର କୋରିଆର ୟୋନିମି ପାର୍କ ନାମକ ଜଣେ ମହିଳା ପ୍ରକାଶ କରିଛନ୍ତି। ଏକ ସାକ୍ଷାତକାରରେ ସେ କହିଛନ୍ତି, ଭଲ ଏବଂ ଶାନ୍ତିପୂର୍ଣ୍ଣ ଜୀବନ ଖୋଜିବାକୁ ସେ ଉତ୍ତର କୋରିଆରୁ ଚାଇନାକୁ ଆସିଥିଲେ। କାରଣ ଉତ୍ତର କୋରିଆରେ ଏକଛତ୍ରବାଦୀ ଶାସକ କିମ ଜୋଙ୍ଗ ଉନଙ୍କ ଶାସନରେ ସେମାନେ ଅଶନିଶ୍ୱାସୀ ହୋଇଯାଇଥିଲେ।
ୟୋନିମି ଅନୁଭବ କଲେ ଯେ ଅନ୍ତତ ସେ ଚାଇନାରେ ତାଙ୍କ ଜୀବନ ଭଲରେ ରହିବେ। ହେଲେ ତାଙ୍କର ଚିନ୍ତାଧାରା ଭୁଲ ପ୍ରମାଣିତ ହେଲା। କାରଣ ଚାଇନାରେ ଉତ୍ତର କୋରିଆ ଅପେକ୍ଷା ସେମାନଙ୍କ ଅବସ୍ଥା ଖରାପ। ୟୋନିମି କହିଛନ୍ତ, ଚାଇନା ଆସିବା ପରେ ସେ ମାନବ ଚାଲାଣ ର଼୍ୟାକେଟର ଶିକାର ହୋଇଥିଲେ ଏବଂ କେବଳ ତାଙ୍କ ଜୀବନ ନୁହେଁ ବରଂ ତାଙ୍କ ମା’ଙ୍କ ଜୀବନ ମଧ୍ୟ ଏଠାରେ ଖରାପ ହୋଇଯାଇଥିଲା। ୟୋନିମି କହିଛନ୍ତି, ଦଲାଲମାନେ ତାଙ୍କ ମା’ଙ୍କୁ ୮୫୦୦ଟଙ୍କାରେ ବିକ୍ରି କରିଥିଲେ। କାରଣ ତାଙ୍କ ଉପରେ କୌଣସି ପୁରୁଷଙ୍କ ଏକାଅଧିକାର ନଥିଲା। ସେହିପରି ତାଙ୍କୁ ୨୫ ହଜାର ଟଙ୍କାରେ ବିକ୍ରି କରାଯାଇଥିଲା।
ଚାଇନାରେ ଓ୍ବାନ ଚାଇଲ୍ଡ ପଲିସି ଯୋଗୁ ପ୍ରାୟତଃ ୪ କୋଟି ପୁରୁଷଙ୍କୁ ବିବାହ ପାଇଁ ମହିଳା ମିଳୁନାହାନ୍ତି। ଯାହା ପାଇଁ ସେମାନେ ଏଭଳି କରୁଛନ୍ତି ବୋଲି ୟୋନିମି କହିଛନ୍ତି।
