![](https://www.dharitri.com/wp-content/uploads/2024/06/WhatsApp-Image-2024-06-23-at-4.48.23-PM.jpeg)
କାଲିଫର୍ନିଆ,୨୩।୬: ଦୁନିଆର ସବୁଠାରୁ ଧନୀ ବ୍ୟକ୍ତି ଏଲନ ମସ୍କ ପୁଣି ଥରେ ପିତା ହୋଇଛନ୍ତି। କିନ୍ତୁ ଏଥର ସେ ଏହି ଖୁସି ଖବରକୁ ଲୁଚାଇ ରଖିଥିଲେ। ସୂଚନା ଅନୁଯାୟୀ, ଏଲନ ମସ୍କଙ୍କ ଦ୍ୱାଦଶ ସନ୍ତାନର ମା’ ହେଉଛନ୍ତି ନ୍ୟୁରାଲିଙ୍କର ଟପ ମ୍ୟାନେଜର ଶିଭନ ଜିଲିସ। ବ୍ଲୁମବର୍ଗ ସାମ୍ବାଦିକମାନେ ଏହି ଖବରକୁ ପର୍ଦ୍ଦାଫାଶ କରିଛନ୍ତି।
ବ୍ଲୁମବର୍ଗ ଅନୁଯାୟୀ, ଏଲନ ମସ୍କ ଅତି କମରେ ୧୨ଟି ସନ୍ତାନର ପିତା। ଏହି ପିଲାମାନଙ୍କ ମଧ୍ୟରୁ ୬ ଜଣ ଗତ ପାଞ୍ଚ ବର୍ଷ ମଧ୍ୟରେ ଜନ୍ମ ହୋଇଛନ୍ତି – ତିନିଜଣ ଗାୟିକ ଗ୍ରାଇମ୍ସ ଏବଂ ତିନିଜଣ ଶିଭନ ଜିଲିସଙ୍କ ଠାରୁ ହୋଇଛି। ଏହାପରେ ଏପରି ଏକ ସନ୍ତାନ ମଧ୍ୟ ଅଛନ୍ତି ଯାହା ପୂର୍ବରୁ ଜଣା ନ ଥିଲା। ଏହି ଶିଶୁ ଚଳିତ ବର୍ଷ ଆରମ୍ଭରେ ଜନ୍ମ ହୋଇଥିଲେ । ଶିଭନ ଜିଲିସ ଏହା ଉପରେ କୌଣସି ମନ୍ତବ୍ୟ ଦେଇନାହାଁନ୍ତି ଏବଂ ଏଲନ ମସ୍କ ମଧ୍ୟ ଚୁପ୍ ରହିଛନ୍ତି। ଶିଶୁର ନାମ ଏବଂ ଲିଙ୍ଗ ଏପର୍ଯ୍ୟନ୍ତ ପ୍ରକାଶ କରାଯାଇ ନାହିଁ।
ଏଲନ ମସ୍କଙ୍କର ପୂର୍ବରୁ ଦୁଇଟି ଯାଆଁଳା ପୁଅ ଅଛନ୍ତି, ଯାହାଙ୍କ ମା’ ଶିଭନ ଜିଲିସ। ସେମାନଙ୍କର ନାମ ହେଉଛି ଅଜୁର ଏବଂ ଷ୍ଟ୍ରାଇଡର। ଏହି ଘଟଣା ପୁଣି ଥରେ ଏଲନ ମସ୍କଙ୍କ ବ୍ୟକ୍ତିଗତ ଜୀବନରେ ରହସ୍ୟ ଏବଂ ଆଲୋଚନାର ବିଷୟ ପାଲଟିଛି। ଏଲନ ମସ୍କର ଦ୍ୱାଦଶ ସନ୍ତାନ କିଏ ଏବଂ ତାଙ୍କ ନାମ କ’ଣ ଜାଣିବାକୁ ବିଶ୍ୱ ଚାହିଁ ବସିଛି।