ଓ୍ବାଶିଂଟନ,୧୨।୧୦ : ଦୁନିଆର ସବୁଠାରୁ ଧନୀ ବ୍ୟକ୍ତି ଏବଂ ଟେସଲା କମ୍ପାନୀର ମାଲିକ ଏଲୋନ ମସ୍କ ବର୍ତ୍ତମାନ ଏକ ନୂତନ ବ୍ୟବସାୟରେ ପ୍ରବେଶ କରିଥିବା ଘୋଷଣା କରିଛନ୍ତି। ଏହା ଅନ୍ତର୍ଗତ ସେ ବନର୍ଟ ହେୟାର ନାମକ ଏକ ଅତର ଲଞ୍ଚ କରିଛନ୍ତି। ମସ୍କ ତାଙ୍କ ଟୁଇଟର ବାୟୋକୁ ପରଫ୍ୟୁମ ସେଲସମ୍ୟାନ ଭାବେ ଅପଡେଟ କରିଛନ୍ତି। ସେ ବନର୍ଟ ହେୟାରର ସୁଗନ୍ଧକୁ ପୃଥିବୀର ସର୍ବୋତ୍ତମ ସୁଗନ୍ଧ ବୋଲି କହିଛନ୍ତି। ଏହା ଲଞ୍ଚ ହେବାର ଏକ ମିନିଟ ମଧ୍ୟରେ ୧୦ ହଜାର ବୋତଲ ବିକ୍ରି ହୋଇଛି।
ଏହି ଅତରର ମୂଲ୍ୟ ହେଉଛି ଶହେ ଡଲାର। ଭାରତୀୟ ଟଙ୍କାରେ ଏହାର ମୂଲ୍ୟ ୮୨୦୦ ରୁ ଅଧିକ ହେବ। ଏହି ଅତରକୁ କ୍ରିପ୍ଟୋକରେନ୍ସି ମାଧ୍ୟମରେ ମଧ୍ୟ କିଣିହେବ। ଦି ବୋରିଙ୍ଗ କମ୍ପାନୀର ଏହି ଅତରର ଶୁଭାରମ୍ଭ ସହିତ ଚାହିଦା ମଧ୍ୟ ବଢ଼ିବାରେ ଲାଗିଛି।