ଓ୍ବାଶିଂଟନ୍,୨୧।୧୨: ବିଶ୍ୱର ସବୁଠାରୁ ଧନୀ ବ୍ୟକ୍ତିଙ୍କ ତାଲିକାରେ ସାମିଲ ହୋଇଥିବା ଏଲୋନ ମସ୍କ ଟୁଇଟରର ନୂତନ ମୁଖ୍ୟ ହେବା ଆରମ୍ଭରୁ ବିବାଦ ଘେରରେ ରହିଛନ୍ତି। ବର୍ତ୍ତମାନ ତାଙ୍କୁ ନେଇ ଆଉ ଏକ ଖବର ସାମ୍ନାକୁ ଆସିଛି। ଯାହା ଏବେ ଚର୍ଚ୍ଚାର ବିଷୟ ପାଲଟିଛି। ଖୁବ୍ଶୀଘ୍ର ଏଲନ୍ ମସ୍କ ଟୁଇଟରର ସିଇଓ ପଦରୁ ଇସ୍ତଫା ଦେଇପାରନ୍ତି। ବୁଧବାର ମସ୍କ ଏକ ସର୍ଭେ ରିପୋର୍ଟ ଜାରି ଏହି ଘୋଷଣା କରିଛନ୍ତି। ଯାହା ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।
ସୂଚନାଯୋଗ୍ୟ, ରବିବାର ସନ୍ଧ୍ୟାରେ ଏଲନ୍ ମସ୍କ ଟୁଇଟରରେ ଏକ ସର୍ଭେ ଆରମ୍ଭ କରିଥିଲେ। ଯେଉଁଥିରେ ସେ ଟୁଇଟରର ସିଇଓ ପଦରୁ ଇସ୍ତଫା ଦେଇଦେବା ଉଚିତ୍ କି ବୋଲି ପ୍ରଶ୍ନ କରିିଥିଲେ। ଏଥିସହ ସେ ପ୍ରତିଶ୍ରୁତି ଦେଇଥିଲେ ଯେ, ମତଦାନର ଫଳାଫଳ ଯାହା ହେଉନା କାହିଁକି ସେ ଏହାକୁ ଅନୁସରଣ କରିବେ।
ତେବେ ଏହି ସର୍ଭେର ରିପୋର୍ଟ ସାମ୍ନାକୁ ଆସିଥିବା ବେଳେ ତାଙ୍କ ପାଇଁ ନିରାଶାଜନକ ରହିଛି। ଏଥିରେ ୫୭.୫ ପ୍ରତିଶତ ଲୋକ ଚାହୁଁଛନ୍ତି ଯେ, ସେ ଇସ୍ତଫା ଦେଇଦିଅନ୍ତୁ ଏବଂ ମାତ୍ର ୪୨.୫ ପ୍ରତିଶତ ତାଙ୍କ ସପକ୍ଷରେ ରହିଛନ୍ତି। ତେବେ ଜନତାଙ୍କ ନିର୍ଣ୍ଣୟ ଆସିବା ପରେ ମସ୍କ କହିଛନ୍ତି, ଯୋଗ୍ୟ ବ୍ୟକ୍ତି ମିଳିବା ମାତ୍ରେ ହିଁ ସେ ଏହି ପଦରୁ ଇସ୍ତଫା ଦେଇଦେବେ। ଏହାପରେ ସେ କେବଳ ସଫ୍ଟଓ୍ବେର ଏବଂ ସର୍ଭର ଟିମ୍ ସମ୍ଭାଳିବେ ବୋଲି ଟୁଇଟରେ ଉଲ୍ଲେଖ କରିଛନ୍ତି।
