ଓ୍ବାଶିଂଟନ,୮।୯: ବିଶ୍ୱର ସବୁଠାରୁ ଧନୀ ବ୍ୟକ୍ତି ଏବଂ ଟେସଲା ସିଇଓ ଏଲନ ମସ୍କ ତାଙ୍କ ବ୍ୟବସାୟ ତଥା ବ୍ୟକ୍ତିଗତ ଜୀବନ ପାଇଁ ହେଡଲାଇନରେ ରହିଛନ୍ତି। ଏବେପୁଣି ଥରେ ସେ ତାଙ୍କ ଯାଆଁଳା ପିଲାମାନଙ୍କ ପାଇଁ ଚର୍ଚ୍ଚାକୁ ଆସିଛନ୍ତି। ପ୍ରଥମ ଥର ପାଇଁ ମସ୍କଙ୍କ ଫଟୋ ତାଙ୍କ ଯାଆଁଳା ଶିଶୁ ଏବଂ ତାଙ୍କ ପିଲାମାନଙ୍କ ମା ଶିଭୋନ ଜିଲିସଙ୍କ ସହ ସାମ୍ନାକୁ ଆସିଛି। ମସ୍କଙ୍କ ଜୀବନୀ ଲେଖୁଥିବା ଲେଖକ ୱାଲ୍ଟର ଇସାକସନ ସୋସିଆଲ ମିଡିଆରେ ଦୁଇଟି ଫଟୋ ସେୟାର କରିଛନ୍ତି।
ଇସାକସନଙ୍କ ଦ୍ୱାରା ସେୟାର କରାଯାଇଥିବା ଏକ ଫଟୋରେ, ମସ୍କ ସୋଫାରେ ବସିଥିବାର ଦେଖିବାକୁ ମିଳିଛି। ଏହି ସମୟ ମଧ୍ୟରେ, ତାଙ୍କ କୋଳରେ ଜଣେ ସନ୍ତାନ ବସିଛନ୍ତି। ଶିବନ ଜିଲିସ ଏକ ପିଲା ସହିତ ତାଙ୍କ ପାଖରେ ବସିଛନ୍ତି। ଯେତେବେଳେ କି, ଦ୍ୱିତୀୟ ଫଟୋରେ, ଜଣେ ଶିଶୁ ଏକ ବଡ଼ ରୋବୋଟକୁ ଦେଖୁଛି ଏବଂ ମସ୍କ ଏହା ପଛରେ ଛିଡା ହୋଇଛନ୍ତି। ଇସାକସନ କହିଛନ୍ତି ଯେ ପିଲାମାନେ ୧୬ମାସର ହୋଇଥିବାବେଳେ ଏହି ଦୁଇଟି ଫଟୋ ଉଠାଯାଇଥିଲା। ମସ୍କଙ୍କ ଜୀବନୀରୁ କିଛି ପ୍ରକାଶିତ ଉଦ୍ଧୃତିରୁ ଜଣାପଡିଛି ଯେ ଏହି ଫଟୋଗୁଡ଼ିକ ଟେକ୍ସାସର ଅଷ୍ଟିନରେ ଥିବା ଜିଲିସଙ୍କ ଘରେ ନିଆଯାଇଛି।
