ମୁମ୍ବାଇ: ଅଭିନେତ୍ରୀ କଙ୍ଗନା ରାଣାୱତଙ୍କ ଫିଲ୍ମ ‘ଏମରଜେନ୍ସି’ ଫାଷ୍ଟ ଲୁକ୍ ସାମ୍ନାକୁ ଆସିବା ଦିନଠାରୁ ପ୍ରଶଂସକମାନେ ଏହି ଚଳଚ୍ଚିତ୍ରକୁ ଅପେକ୍ଷା କରି ରହିଛନ୍ତି। ଶେଷରେ, ଶନିବାର କଙ୍ଗନା ତାଙ୍କ ଇନଷ୍ଟାଗ୍ରାମ ହ୍ୟାଣ୍ଡେଲରେ ‘ଏମରଜେନ୍ସି’ ର ଟିଜର ରିଲିଜ କରିଛନ୍ତି।ସର୍ଟ କ୍ଲିପ୍ରେ ଅନୁପମ ଖେର ମଧ୍ୟ ନଜର ଆସିଛନ୍ତି। ‘ଏମରଜେନ୍ସି’ ର ଟିଜର ଆରମ୍ଭ ହେବା ମାତ୍ରେ ସ୍କ୍ରିନରେ ଜୁନ ୨୫, ୧୯୭୫ ପରଦାରେ ଲେଖାଯାଇଛି । ସେହି ସମୟରେ ଦେଶରେ ଜରୁରୀକାଳୀନ ପରିସ୍ଥିତି ଲାଗୁ କରାଯାଇଥିଲା। କଳା ଓ ଧଳା ଭିଡିଓରେ ଅନୁପମ ଖେରଙ୍କୁ ବାର୍ ପଛରେ ଦେଖିବାକୁ ମିଳୁଛି ଏବଂ ପରଦାରେ ଲେଖାଯାଇଛି ଯେ ବିରୋଧୀ ଦଳର ନେତାଙ୍କୁ ଗିରଫ କରାଯାଇଛି। ଟିଜର ସହିତ କଙ୍ଗନା ଫିଲ୍ମର ନୂଆ ରିଲିଜ ତାରିଖ ମଧ୍ୟ ଘୋଷଣା କରିଛନ୍ତି। ୨୪ ନଭେମ୍ବର ୨୦୨୩ରେ ଫିଲ୍ମଟି ପ୍ରେକ୍ଷାଳୟକୁ ଆସିବ।