ନୂଆଦିଲ୍ଲୀ,୧୦।୪: ଅନ୍ତଃରାଷ୍ଟ୍ରୀୟ ଉତ୍ପାଦନକାରୀ ସଂସ୍ଥା ଏନ୍ଜିକେ ସ୍ପାର୍କ ପ୍ଲଗ୍ସ ଇଣ୍ଡିଆ ପ୍ରାଇଭେଟ ଲିମିଟେଡ୍ ବର୍ତ୍ତମାନ ନିଟେରା ଇଣ୍ଡିଆ ପ୍ରାଇଭେଟ ଲିମିଟେଡ୍ ଭାବେ ପରିଚିତ ହେବ। ଏପରି କି କମ୍ପାନୀର ନାମ ପରିବର୍ତ୍ତନ ପରିପ୍ରେକ୍ଷୀରେ ଆୟୋଜିତ ଏକ ସ୍ବତନ୍ତ୍ର କାର୍ଯ୍ୟକ୍ରମ ନିକଟରେ ଅନୁଷ୍ଠିତ ହୋଇଯାଇଛି। ନୂଆଦିଲ୍ଲୀଠାରେ ଆୟୋଜିତ ବିଶେଷ ସମାରୋହ ଉତ୍ସବରେ ବ୍ରାଣ୍ଡ୍ର ନାମ ପରିବର୍ତ୍ତନ ସମ୍ପର୍କରେ ଘୋଷଣା କରାଯାଇଥିଲ। ବିଶେଷ କରି କମ୍ପାନୀ ଦୀର୍ଘ ବର୍ଷ ଧରି ସ୍ପାର୍କ, ପ୍ଲଗ୍ସ, ସେନ୍ସର୍ସ ଏବଂ ଅନ୍ୟାନ୍ୟ ଅଟୋମୋଟିଭ ଉତ୍ପାଦଗୁଡ଼ିକ ନିର୍ମାଣ କରୁଛି। ଏପରି କି କମ୍ପାନୀ ଉଭୟ ଉତ୍ପାଦନ ଓ ବିକ୍ରେତା ଭାବେ ସାରା ଦୁନିଆରେ ବେଶ୍ ଲୋକପ୍ରିୟ ହୋଇପାରିଛି।
ଏ ସମ୍ପର୍କରେ ନିଟେରା ଇଣ୍ଡିଆ ପ୍ରାଇଭେଟ ଲିମିଟେଡ୍ର ପରିଚାଳନା ନିର୍ଦ୍ଦେଶକ ମାମୁରୁ ମୁଶାଶା କହିଛନ୍ତି, କମ୍ପାନୀର ନାମ ପରିବର୍ତ୍ତନ ହୋଇଥିଲେ ସୁଦ୍ଧା ଉତ୍ପାଦନ ଓ ଉତ୍ପାଦର ଗୁଣ କମିବ ନାହିଁ। ଏପରି କି ପୂର୍ବଭଳି ଗୁଣାତ୍ମକ ମାନର ଉତ୍ପାଦ ସାଙ୍ଗକୁ ଗ୍ରାହକ ଚାହିଦାକୁ ଅଗ୍ରାଧିକାର ଦେବ। ସେହିଭଳି ଆଗାମୀ ଦିନରେ ବ୍ୟବସାୟର ସମ୍ପ୍ରସାରଣକୁ ସର୍ବାଧିକ ଗୁରୁତ୍ୱାରୋପ ଦିଆଯିବ ବୋଲି ସେ ମତପ୍ରକାଶ କରିଛନ୍ତି। ସେହିପରି ଇଣ୍ଡିଆ ପ୍ରାଇଭେଟ ଲିମିଟେଡ୍ର ଏସ୍ଭିପି ସୁଦୀପ୍ତୋ ସାନ୍ୟାଲ କହିଛନ୍ତି, କମ୍ପାନୀ ନାମ ପରିବର୍ତ୍ତନ ହୋଇଥିଲେ ମଧ୍ୟ ପୂର୍ବପରି ସେବା ଓ ସୁବିଧା ସାଙ୍ଗକୁ ବିକାଶ ଦିଗରେ ବ୍ୟାପକ ପଦକ୍ଷେପ ଓ ଆବଶ୍ୟକ କାର୍ଯ୍ୟ ହାତକୁ ନିଆଯିବ। ବ୍ୟବସାୟର ଅଭିବୃଦ୍ଧି ପାଇଁ ବିଭିନ୍ନ ସ୍ତରରେ ରଣନୀତିକ ପଦକ୍ଷେପମାନ ଗ୍ରହଣ କରାଯିବ ବୋଲି ସେ ମତବ୍ୟକ୍ତ କରିଛନ୍ତି।