ଭୁବନେଶ୍ୱର,୩୦।୧: ଦେଶର ପ୍ରମୁଖ ଅଟୋମୋବାଇଲ କମ୍ପାନୀ ଟାଟା ମୋଟର୍ସ ତା’ର ଗ୍ରାହକମାନଙ୍କୁ ଗୁଣାତ୍ମକ ସେବା ସହ ବିକ୍ରି ପରବର୍ତ୍ତୀ ସେବା ପ୍ରାଥମିକତା ଦେଉଥିବା ବେଳେ ସେବା ଯୋଗାଇବା ପାଇଁ ଆବଶ୍ୟକ ବ୍ୟବସାୟିକ ସମ୍ପ୍ରସାରଣକୁ ମଧ୍ୟ ବେଶ ଗୁରୁତ୍ୱାରୋପ କରାଯାଉଥିବା କମ୍ପାନୀ ପକ୍ଷରୁ କୁହାଯାଇଛି। ଏପରିକି ଉପରୋକ୍ତ କାର୍ଯ୍ୟକଳାପ ସହ ଗ୍ରାହକ ସମ୍ପର୍କ ବୃଦ୍ଧିକୁ ସୁଦୃଢ଼ କରିବା ଆଶାରେ ଟାଟା ମୋଟର୍ସର ଉପ ମହାନିର୍ଦ୍ଦେଶକ ରାଜେଶ କଉଲ ନିକଟରେ ଦୁଇଦିନିଆ ଓଡ଼ିଶା ଗସ୍ତରେ ଆସିଥିଲେ।
ଏହି ପରିପ୍ରେକ୍ଷୀରେ ସେ ସ୍ଥାନୀୟ ମଙ୍ଗୁଳି ଛକ ନିକଟସ୍ଥ ତୃପ୍ତି ଅଟୋ ମୋଟିଭସ ଶୋ ରୁମ୍କୁ ପରିଦର୍ଶନ କରିଥିଲେ। ଏହି ଅବସରରେ କଉଲଙ୍କ ସହ ଅରୁଣ ଜଲାଲି, ଦୀପାଞ୍ଜନ ରୟ, ରନଭିର କଅଁର, ରାଜୀବ ଘୋଷ, କପିଲ ନିଝୋନ, ବିକାଶ ସୋନି, ନୀରଜ ବର୍ମାଙ୍କ ସମେତ ଟାଟା ମୋଟର୍ସର ବହୁ ଅଧିକାରୀ ଓ କର୍ମଚାରୀମାନେ ମଧ୍ୟ ଉପସ୍ଥିତ ଥିଲେ। ସେହିଭଳି ଗ୍ରାହକମାନଙ୍କୁ ଗାଡ଼ି ଡେଲିଭରି, ବୃକ୍ଷରୋପଣ ଏବଂ ଦକ୍ଷ କର୍ମଚାରୀଙ୍କୁ ପୁରସ୍କାର ପ୍ରଦାନ ଆଦି କାର୍ଯ୍ୟକ୍ରମରେ ଯୋଗ ଦେବା ସହ କଉଲ ଉପସ୍ଥିତ ଗ୍ରାହକ ଓ ତୃପ୍ତି ଅଟୋମୋଟିଭସର ସମସ୍ତ କର୍ମଚାରୀଙ୍କୁ ଉଦବୋଧନ ଦେଇଥିଲେ। ଏହାପରେ ସେ ଯାଜପୁରଠାରେ ଟାଟା ମୋଟର୍ସର ନୂଆ ଶୋ’ରୁମ୍ ସାଇସୁଧା ମୋଟର୍ସକୁ ମଧ୍ୟ ଉଦ୍ଘାଟନ କରିଥିବା ଜଣାପଡିଛି। ସେହିପରି ତୃପ୍ତି ଅଟୋ ମୋଟିଭ୍ସ ଏବଂ ସାଇସୁଧା ମୋଟର୍ସ ପକ୍ଷରୁ ଶୁଭେନ୍ଦୁ ମହାନ୍ତି ଓ ଅଙ୍କିତ ମହାନ୍ତି ଉପସ୍ଥିତ ସମସ୍ତ ଟାଟା ମୋଟର୍ସ ଅଧିକାରୀଙ୍କୁ ସ୍ବାଗତ ଜଣାଇବା ସହ ଓଡ଼ିଶା ବଜାର ସହ ଗ୍ରାହକଙ୍କ ଆବଶ୍ୟକତା ଓ ଚାହିଦା ସମ୍ପର୍କରେ କର୍ମଚାରୀମାନଙ୍କୁ ଅବଗତ କରାଇଥିଲେ।