ନୂଆଦିଲ୍ଲୀ,୨୬।୧୧: ଭାରତୀୟ ଶିଳ୍ପ ମହାସଂଘ (ସିଆଇଆଇ)ର ଜଳବାୟୁ ଚାର୍ଟର ଆକ୍ସନ ପାଇଁ ବେଦାନ୍ତ ଆଲୁମିନିୟମ ନିକଟରେ ସହମତି ପ୍ରଦାନ କରିଛି। ଏପରିକି ନେଟ୍ ଜିରୋ କାର୍ବନ ଅପରେଶନକୁ ଗୁରୁତ୍ୱ ଦେବା ସହ ଏହାର ମୂଲ୍ୟ ଶୃଙ୍ଖଳ ମଧ୍ୟରେ କମ୍ପାନୀ କାର୍ଯ୍ୟ କରିବ ବୋଲି ଜଣାପଡ଼ିଛି। ବିଶେଷକରି ଜଳବାୟୁ ପରିବର୍ତ୍ତନ କାର୍ଯ୍ୟକୁ ତ୍ୱରାନ୍ବିତ କରିବା ଲାଗି ଗ୍ରାହକ ଓ ଯୋଗାଣକାରୀଙ୍କ ସହ କାର୍ଯ୍ୟ କରିବାକୁ ଏହା କମ୍ପାନୀର ନିଶ୍ଚିତତାକୁ ପ୍ରମାଣିତ କରେ ଓ ଜଳବାୟୁ ପରିବର୍ତ୍ତନ ହ୍ରାସ ରଣନୀତି ସହ କାର୍ଯ୍ୟ କରିବାରେ ବଳିଷ୍ଠ ଭୂମିକା ମଧ୍ୟ ଗ୍ରହଣ କରିଥାଏ। ସେହିଭଳି ଭାରତୀୟ ବ୍ୟବସାୟ ମଧ୍ୟରେ ଗଠିତ ଜଳବାୟୁ କାର୍ଯ୍ୟକୁ ପ୍ରୋତ୍ସାହିତ କରିବା ପାଇଁ ସିଆଇଆଇ ଜଳବାୟୁ ଆକ୍ସନ ଚାର୍ଟର ହେଉଛି ଏକ କ୍ରସ୍ ଇଣ୍ଡଷ୍ଟ୍ରି ପଦକ୍ଷେପ। ସିଆଇଆଇ ଅଂଶ ଗ୍ରହଣକାରୀଙ୍କ ପାଇଁ ଚାର୍ଟରକୁ ଏକ ଉପଯୋଗୀ ଉପକରଣ ଭାବେ ବିକଶିତ କରିଛି। ଇଣ୍ଡଷ୍ଟ୍ରିର ସର୍ବୋତ୍ତମ ଅଭ୍ୟାସକୁ ଆଗେଇନେବା ପାଇଁ ବେଦାନ୍ତ ଉକ୍ତ ପ୍ଲାଟ୍ଫର୍ମକୁ ଲିଭେରେଜ କରିବାକୁ ଲକ୍ଷ୍ୟ ରଖିଛି।
ଏ ସମ୍ପର୍କରେ ବେଦାନ୍ତ ଆଲୁମିନିୟମର ସିଇଓ (ଆଲୁମିନା ବ୍ୟବସାୟ ବେଦାନ୍ତ ଲିଃ) ରାହୁଲ ଶର୍ମା କହିଛନ୍ତି, କମ୍ପାନୀ ଓ ଗୋଷ୍ଠୀ ଉପରେ ଜଳବାୟୁ ପରିବର୍ତ୍ତନର ପ୍ରଭାବ ସୁଦୂରପ୍ରସାରୀ ହୋଇଥାଏ। ଏ କ୍ଷେତ୍ରରେ ସ୍ଥାୟୀ ପ୍ରୟୋଗଗୁଡ଼ିକ ପାଇଁ ଏହାର ଅସୀମ ସମ୍ଭାବନା ଆମର କର୍ମପନ୍ଥାକୁ ସ୍ଥାନୀୟ ଗୋଷ୍ଠୀ ସହ ଜଳବାୟୁ ସ୍ଥିର କରିବା ଲାଗି ଯାତ୍ରାକୁ ଭବିଷ୍ୟତ ସାକ୍ଷୀ ହୋଇ ରହିବ। ସେହିଭଳି ସିଆଇଆଇ ବେଦାନ୍ତର ମହାନିର୍ଦ୍ଦେଶକ ଚନ୍ଦ୍ରଜିତ ବାନାର୍ଜୀ କହିଛନ୍ତି, ଆଲୁମିନିୟମ ଉଦ୍ୟୋଗରେ ନୂତନ ସ୍ଥିରତା ମାନଦଣ୍ଡ ସୃଷ୍ଟି କରିଥିବାରୁ ବେଦାନ୍ତ ଧନ୍ୟବାଦର ପାତ୍ର। ଆଗାମୀ ଭବିଷ୍ୟତ ପାଇଁ ଏକ ଜୀବନ୍ତ ଭବିଷ୍ୟତ ନିଶ୍ଚିତ କରିବାକୁ ଯୁଦ୍ଧକାଳୀନ ଭିତ୍ତିରେ ଜଳବାୟୁ ପରିବର୍ତ୍ତନକୁ ସମାଧାନ କରିବା ଉଚିତ। ସିଆଇଆଇ ବେଦାନ୍ତର ଜଳବାୟୁ ପରିବର୍ତ୍ତନ ଦୃଷ୍ଟିକୋଣକୁ ଆଗାମୀ କାଲିର ଭବିଷ୍ୟତ ଆଡ଼କୁ ଆଗେଇନେବାରେ ସାହାଯ୍ୟ କରୁଥିବାରୁ ମୁଁ ବହୁତ ଖୁସି।