ଚାକିରି କ୍ଷେତ୍ରରେ ଅଧିକାଂଶ ଲୋକ ନିଜ ମାଲିକ କିମ୍ବା ଟିମ୍ ସଦସ୍ୟଙ୍କ ଉପରେ କିଛି କଥାକୁ ନେଇ ଖପ୍ପା ରହିଥାନ୍ତି। ଏହାକୁ ନେଇ ବହୁଜଣ ଚାକିରି ମଧ୍ୟ ଛାଡିଦେଇଥାନ୍ତି। ଆଉ କିଛିଙ୍କର ପ୍ରତିଦିନ କିଛି କିଛି କଥାକୁ ନେଇ ବଚସା ହୋଇଥାଏ। ଆଉ ସେସବୁ ଉଗ୍ରରୂପ ନେଇ ବଡ କାଣ୍ଡ ଘଟେଇଥାଏ। କିନ୍ତୁ ନିକଟରେ ଘଟିଥିବା ଏକ ଘଟଣା ଏକଥାରେ ସମ୍ପୃକ୍ତି ରହିଲେ ମଧ୍ୟ ଘଟଣା ବିଷୟରେ ଜାଣି ଆଶ୍ଚର୍ଯ୍ୟ ହୋଇଯିବେ।
ଜଣେ ଯୁବତୀ ନିଜ କମ୍ପାନୀର ମାଲିକ ଓ ଅନ୍ୟ ସଦସ୍ୟଙ୍କ ଠାରୁ ପ୍ରତିଶୋଧ ନେବା ପାଇଁ କିଛି ଏମିତି କାଣ୍ଡ ଭିଆଇଛନ୍ତି ଯାହାଦ୍ୱାରା ପୁରା କମ୍ପାନୀକୁ କ୍ଷତି ସହିବାକୁ ପଡିଛି। ଯୁବତୀଜଣକ ନିଜ ସୋସିଆଲ ମିଡିଆ ହ୍ୟାଣ୍ଡେଲ ନିଜର ଏପରି କାରନାମା ବିଷୟରେ ପୋଷ୍ଟ ଶେୟାର କରିଛନ୍ତି।
ଯୁବତୀଜଣକ ଏକ ରେଷ୍ଟୁରାଣ୍ଟରେ କାମ କରୁଥିଲେ। ନିଜ କାର୍ଯ୍ୟକ୍ଷେତ୍ରରେ କିଛି ସାମନ୍ୟ ବଚସାକୁ ନେଇ ଯୁବତୀଜଣକ କମ୍ପାନୀରୁ ଇସ୍ତଫା ଦେଇଥିଲେ। ଇସ୍ତଫା ଦେବା ପୂର୍ବରୁ ପୁରା କମ୍ପାନୀ ଉପରେ ରାଗ ରଖି ମାଲିକଙ୍କ ସହ ସବୁ କଲିକଙ୍କ ଇମେଲ-ପାସଓ୍ବାର୍ଡ ଚେଞ୍ଜ କରିଦେଇଥିଲେ। ଏହାର କିଛିଦିନ ପରେ ସେ ନିଜ କାରନାମା ସମ୍ପର୍କରେ ସୋସିଆଲ ମିଡିଆରେ ପୋଷ୍ଟ କରିଥିଲେ। ସେଥିରେ ସେ କହିଛନ୍ତି, ଚାକିରି କ୍ଷେତ୍ରରେ ତାଙ୍କୁ କେହି ବି ଭଲ ବ୍ୟବହାର କରି ନ ଥିଲେ। ସେଥିପାଇଁ ସେ ଚାକିରି ଛାଡି ଦେଇଥିଲେ। ଛାଡିବା ପୂର୍ବରୁ ସମସ୍ତଙ୍କୁ ଉଚିତ ଦଣ୍ଡ ଦେବା ପାଇଁ ସେ କମ୍ପାନୀର ସବୁ କମ୍ପ୍ୟୁଟରର ପାସଓ୍ବାର୍ଡ ଚେଞ୍ଜ କରିଦେଇଥିଲେ। ଯାହାଦ୍ୱାରା କେହି ବି ଆକ୍ସେସ ନେଇ ପାରି ନ ଥିଲେ।
ଆଗକୁ ଯୁବତୀ କହୁଛନ୍ତି, ମୋର ଏହି ପିଲାଳିଆମି ପାଇଁ ମୁଁ କେବେ ବି ଅନୁତାପ କରୁନାହିଁ। ମୋ ସହ ମୋ ପୁରା ଟିମ୍ ଦୁର୍ବ୍ୟବହାର କରିଛି। ପୁରା ଟିମରେ ମୁଁ କେବଳ ଜଣେ ହିଁ ଝିଅ ଥିଲି। ଯାହାକୁ ସେମାନେ ବହୁତ ଅପମାନ ଦେଇଛନ୍ତି। କହିରଖୁଛି କି, ଏଠାରେ କୌଣସି ଗାର୍ଲ-କାର୍ଡ ଖେଳାଯାଉ ନାହିଁ।
ସୂଚନାଥାଉ କି, ଯୁବତୀଜଣକ ବଦଳାଇଥିବା ସବୁ ପାର୍ସଓ୍ବାର୍ଡ ରେଷ୍ଟୁରାଣ୍ଟର ଡେଟାବେସ ଆକ୍ସେସ ଥିଲା। ଏଠାରେ ମେନୁ, ଷ୍ଟାଫ୍, ଅଡରିଂ, ଷ୍ଟକ ଇତ୍ୟାଦି ସୂଚନା ଥିଲା। ପାର୍ସଓ୍ବାର୍ଡ ବଦଳାଇଦେବା ଦ୍ୱାରା ପୁରା ରେଷ୍ଟୁରାଣ୍ଟ ଅଚଳ ହୋଇ ପଡିଥିଲା।