ୱାଶିଂଟନ,୨୦ ।୩: ଗୁଗଲର ପ୍ୟାରେଣ୍ଟ କମ୍ପାନୀ ଅଲଫାବେଟର ସିଇଓ ସୁନ୍ଦର ପିଚାଇଙ୍କୁ କମ୍ପାନୀର ୧,୪୦୦ କର୍ମଚାରୀ ଖୋଲା ପତ୍ର ଲେଖିଛନ୍ତି । ଏଥିରେ ସେମାନେ ଲେଖିଛନ୍ତି, ‘ଖରାପ ହୁଅନ୍ତୁ ନାହିଁ’ । ଏହି କର୍ମଚାରୀମାନେ କମ୍ପାନୀରୁ ସେମାନଙ୍କ ସହଯୋଗୀଙ୍କ ଛଟେଇକୁ ନେଇ ନାରାଜ ହୋଇଯାଇଛନ୍ତି । ପତ୍ରରେ ପିଚାଇଙ୍କୁ ସେମାନେ କିଛି ଉପାୟ ମଧ୍ୟ କହିଛନ୍ତି, ଯେଉଁଥିରେ ଛଟେଇକୁ କମ କରାଯାଇ ପାରିବ । ଏହାସହ କିଛି ଦାବି ବି ରଖିଛନ୍ତି ଯାହା ଉପରେ ସର୍ବସାଧାରଣ ପ୍ରତିଶ୍ରୁତି ଦେବାକୁ କହିଛନ୍ତି ।
ସୂଚନାଯୋଗ୍ୟ, ପିଚାଇ ଜାନୁୟାରୀ ୨୦ରେ କର୍ମଚାରୀଙ୍କୁ ଇମେଲ ପଠାଇ ୧୨ ହଜାର ଚାକିରି ଶେଷ କରିବାକୁ ସୂଚନା ଦେଇଥିଲେ । ଏଭଳି ନିର୍ଣ୍ଣୟ ପାଇଁ ସେ ନିଜକୁ ଦାୟୀ କରିଥିଲେ । ଏହାପରେ କେତେଜଣ ଗୁଗଲ କର୍ମଚାରୀ ମୋନଙ୍କ ପରିସ୍ଥିତିକୁ ନେଇ ପ୍ରେସ ଓ ସୋସିଆଲ ମିଡିଆରେ ସୂଚନା ଦେଇଥିଲେ ।
