ବଲାଙ୍ଗୀର ଅଫିସ, ୧୩ା୧ – ଜାତୀୟ ଯୁବ ଦିବସ ଅବସରରେ ବଲାଙ୍ଗୀରଠାରେ ଜିଲା କଂଗ୍ରେସର ଛାତ୍ର କମ୍ପନ ସମାବେଶ ଅନୁଷ୍ଠିତ ହୋଇଥିଲା। ଜିଲାର ଶତାଧିକ ଯୁବତୀ, ଯୁବକ କଲେଜ ଛକର ସରୋଜିନୀ ରେସିଡେନ୍ସିଠାରୁ ଏକ ବାଇକ ଶୋଭାଯାତ୍ରାରେ ସହର ପରିକ୍ରମା କରିଥିଲେ। ସ୍ଥାନୀୟ କଂଗ୍ରେସ ଭବନଠାରେ ପୂର୍ବତନ ଛାତ୍ର ସଭାପତି ଅଙ୍କିତ ସାହୁଙ୍କୁ ସଭାପତିତ୍ୱରେ ଆୟୋଜିତ ଛାତ୍ର କମ୍ପନ ସମାବେଶରେ ଛାତ୍ର କଂଗ୍ରେସର ରାଷ୍ଟ୍ରୀୟ ସମ୍ପାଦକ ତଥା ଓଡିଶା ପ୍ରଭାରୀ ରୋଶନ୍ଲାଲ ବିଟୁ, ପ୍ରଦେଶ ଛାତ୍ର କଂଗ୍ରେସ ସଭାପତି ୟାସିର ନୱାଲ, ଯୁବନେତା ସମରେନ୍ଦ୍ର ମିଶ୍ର, ଜିଲା କଂଗ୍ରେସ ସଭାପତି ଦିଲୀପ ବେହେରା, ଯୁବ କଂଗ୍ରେସ ସଭାପତି ପ୍ରେମ ପ୍ରକାଶ ମିଶ୍ର, ନଗର କଂଗ୍ରେସ ସଭାପତି ବୁଲୁ ଦାନୀ, ଜିଲା ସେବାଦଳ ମୁଖ୍ୟ ଅସିତ କୁମାର ମିଶ୍ର, କିଶାନ କଂଗ୍ରେସ ସଭାପତି ସାନନ୍ଦ ମିଶ୍ର ଉପସ୍ଥିତ ଥିଲେ ା ସଭାରେ କେନ୍ଦ୍ର ଓ ରାଜ୍ୟ ସରକାରଙ୍କ ବିଭିନ୍ନ ଜନବିରୋଧୀ କାର୍ଯ୍ୟର ସମାଲୋଚନା କରାଯାଇଥିଲା। ନିଯୁକ୍ତି, ସ୍ବାଭିମାନ ଓ ଅଧିକାରର ଲଢ଼େଇ ଜାରି ରହିବ ବୋଲି ବକ୍ତାମାନେ କହିଥିଲେ। ସଭାରେ ବିଟୁ ତାଙ୍କ ବକ୍ତବ୍ୟରେ ଛାତ୍ରକଂଗ୍ରେସର ସ୍ବରକୁ ବଲାଙ୍ଗୀର ଜିଲାର ତୃଣମୂଳ ସ୍ତରରୁ ସୁଦୃଢ଼ କରାଯିବ ବୋଲି କହିଥିଲେ ା ସମରେନ୍ଦ୍ର ତାଙ୍କ ବକ୍ତବ୍ୟରେ ଛାତ୍ର କଂଗ୍ରେସ ସଙ୍ଗଠନକୁ ସୁଦୃଢ କରିବାକୁ ସମସ୍ତ ସାମର୍ଥ୍ୟ ଓ ସମର୍ଥନ ଦିଆଯିବ ବୋଲି କହିଥିଲେ ା
