ନୂଆଦିଲ୍ଲୀ, ୨୭।୭ : କଂଗ୍ରେସର ଅଧ୍ୟକ୍ଷା ସୋନିଆ ଗାନ୍ଧୀଙ୍କୁ ଏନଫୋର୍ସମେଣ୍ଟ ନିର୍ଦ୍ଦେଶାଳୟର ପଚରାଉଚରା ଶେଷ ହୋଇଛି। ନ୍ୟାଶନାଲ ହେରାଲ୍ଡ ମାମଲାରେ ତୃତୀୟ ଦିନରେ ତାଙ୍କୁ ପ୍ରାୟ ୩ ଘଣ୍ଟା ପ୍ରଶ୍ନ ପଚରାଯାଇଥିଲା। ପରବର୍ତ୍ତୀ ଡକାଯିବା ପର୍ଯ୍ୟନ୍ତ ତାଙ୍କୁ କେନ୍ଦ୍ରୀୟ ଅନୁସନ୍ଧାନ ଏଜେନ୍ସିରେ ହାଜର ହେବାକୁ ପଡ଼ିବ ନାହିଁ ବୋଲି ସୂଚନା ମିଳିଛି। ପ୍ରକାଶ ଯେ, ତିନି ଦିନ ମଧ୍ୟରେ ପ୍ରାୟ ୧୨ ଘଣ୍ଟା ମଧ୍ୟରେ ଅନୁସନ୍ଧାନକାରୀ ସଂସ୍ଥା ସୋନିଆଙ୍କୁ ୧୦୦ ରୁ ଅଧିକ ପ୍ରଶ୍ନ ପଚାରିଛନ୍ତି।
ପ୍ରାୟ ତିନି ଘଣ୍ଟା ପଚରାଉଚରା ପରେ ସୋନିଆ ଗାନ୍ଧୀ ବୁଧବାର ଇଡି କାର୍ଯ୍ୟାଳୟ ଛାଡିଥିଲେ। ଗଣମାଧ୍ୟମ ରିପୋର୍ଟ ଅନୁଯାୟୀ, ତାଙ୍କୁ ଆଉ ଡକାଯିବ ନାହିଁ। ତେବେ ସୂତ୍ରରୁ ପ୍ରକାଶ ଯେ ରିପୋର୍ଟରେ କୁହାଯାଇଛି ଯେ ଆବଶ୍ୟକ ହେଲେ ଅନୁସନ୍ଧାନକାରୀ ସଂସ୍ଥା ସମନ ଜାରି କରିପାରିବ।
ନିକଟରେ ଏକ ଖବର ଆସିଥିଲା ଯେ ଇଡି କାର୍ଯ୍ୟାଳୟରେ ସୋନିଆଙ୍କ ସହ ପ୍ରଶ୍ନ-ଉତ୍ତର ରାଉଣ୍ଡ ବୁଧବାର ଶେଷ ହୋଇପାରେ କାରଣ ସେ ଶୀଘ୍ର ଜବାବ ଦେଉଛନ୍ତି। ପ୍ରକାଶ ଯେ, ତିନି ଦିନ ମଧ୍ୟରେ ଅନୁସନ୍ଧାନକାରୀ ସଂସ୍ଥା ସୋନିଆଙ୍କୁ ଗୁରୁତ୍ୱପୂର୍ଣ୍ଣ ପ୍ରଶ୍ନ ପଚାରିଛନ୍ତି। ଏଥି ସହିତ, ରାହୁଲଙ୍କୁ ୫ ଦିନ ମଧ୍ୟରେ ପ୍ରାୟ ୧୫୦ ଟି ପ୍ରଶ୍ନ ପଚରାଯାଇଥିଲା।