କ୍ୱିଭ,୧୫ ।୧: ୟୁକ୍ରେନର ବିଭିନ୍ନ ସହରରେ ରୁଷିଆ ପକ୍ଷରୁ ମିଶାଇଲ ମାଡ ଲଗାତାର ଭାବେ ହୋଇଚାଲିଛି । ଏମିତି ଏକ ମିଶାଇଲ ମାଡରେ ୟକ୍ରେନର ଦକ୍ଷିଣ-ପୂର୍ବ ସହର ନିପ୍ରୋରେ ଥିବା ଏକ ଆପାର୍ଟମେଣ୍ଟର ଅଧାଭାଗ ନଷ୍ଟ ହୋଇଯାଇଛି ଯେଉଁଥିରେ ୧୨ ଜଣଙ୍କ ମୃତ୍ୟୁ ହେବା ସହ ୬୪ ଜଣ ଆହତ ହୋଇଛନ୍ତି । ଦ ଆସୋସିଏଟେଡ ପ୍ରେସ ୟୁକ୍ରେନ୍ ରାଷ୍ଟ୍ରପତିଙ୍କ କାର୍ଯ୍ୟାଳୟ ଉପ ମୁଖ୍ୟ କିରିଲୋ ଟଇମୋଶେକୋ ଏହି ସୂଚନା ଦେଇଥିବା କୁହାଯାଇଛି । ରୁଷିଆ ୟୁକ୍ରେନର ଶକ୍ତି ଉତ୍ପାଦନକୁ ଟାର୍ଗେଟ କରିଛି । ୟୁକ୍ରେନର ଶକ୍ତିମନ୍ତ୍ରୀ ଜର୍ମନ ଗାଲୂଶଚେଂକୋ କହିଛନ୍ତି, ରୁଷିଆ ପକ୍ଷରୁ କରାଯାଉଥିବା ଆକ୍ରମଣ ଯୋଗୁ ୟୁକ୍ରେନର ଅଧିକାଂଶ ଅଞ୍ଚଳ ଜରୁରୀ କାଳିନ ସ୍ଥିତିରେ ବ୍ଲାକ ଆଉଟ ହୋଇଛି ।
ଅନ୍ୟପଟେ ବ୍ରିଟେନ ପ୍ରଧାନମନ୍ତ୍ରୀ ଋଷି ସୁନକ ୟୁକ୍ରେନକୁ ଚ୍ୟାଲେଞ୍ଜର ୨ ଟ୍ୟାଙ୍କ ଓ ଆର୍ଟିଲରି ସିଷ୍ଟମ ଦେବାକୁ ଘୋଷଣା କରିଛନ୍ତି । ସସ୍କୋ ଦ୍ୱାର ପ୍ରାୟ ୨ ସପ୍ତାହରେ ପ୍ରଥମଥର କିଛି ୟୁକ୍ରେନ୍ ସହରକୁ ଲକ୍ଷିତ ମିଶାଇଲ ଆକ୍ରମଣ ମଧ୍ୟରେ ସୁନକ ଏହି ଗୁରୁତ୍ୱପୂର୍ଣ୍ଣ ଘୋଷଣା କରିଛନ୍ତି ।
