ଆମଷ୍ଟରଡାମ,୨୩।୬: ଜୋସ ବଟଲର୍ ବିଶ୍ୱର ଜଣେ ବିସ୍ଫୋରକ ବ୍ୟାଟ୍ସମ୍ୟାନ ଭାବେ ଜଣାଶୁଣା। ନେଦରଲ୍ୟାଣ୍ଡ ବିପକ୍ଷ ତୃତୀୟ ଦିନିକଆ ରେ ସେ ୬୪ ବଲରୁ ଅପରାଜିତ ୮୬ ରନ କରିଥିଲେ। ଏହି ଇନିଂସରେ ସେ ୭ ଚୌକା ଏବଂ ୫ଟି ଛକା ମାରିଥିଲେ। ତାଙ୍କ ଇନିଂସ ଆଧାରରେ ଇଂଲଣ୍ଡ ମାତ୍ର ୩୦.୧ ଓଭରରେ ୨୪୫ ରନର ଲକ୍ଷ୍ୟ ହାସଲ କରିଥିଲା।ଦଳ ମଧ୍ୟ ୩ ମ୍ୟାଚ ବିଶିଷ୍ଟ ସିରିଜରେ ୩-୦ରେ କ୍ଲିନ ସୁଇପ କରିଛି।
ଇଂଲଣ୍ଡ ଇନିଂସର ୨୯ତମ ଓଭରରେ ଏକ ନିଆରା ଘଟଣା ଦେଖିବାକୁ ମିଳିଥିଲା। ଦ୍ରୁତ ବୋଲର ପଲ ୱାନ ମିକେରନ ପଞ୍ଚମ ବଲକୁ ସ୍ଲୋ ବୋଲିଂ କରିବାକୁ ଚେଷ୍ଟା କରିଥିଲେ। କିନ୍ତୁ ଏହି ବଲ ଲେଗ୍ ସାଇଡ୍ରେ ସମ୍ପୂର୍ଣ୍ଣ ପିଚ ବାହାରେ ଯାଇଥିଲା। କିନ୍ତୁ ବଟଲରଙ୍କ ଉପରେ ଏହାର କୌଣସି ପ୍ରଭାବ ପଡି ନଥିଲା। ସେ ବଲ୍କୁ ପିଛା କରି ଛକା ମାରିଥିଲେ। ନିୟମ ଅନୁଯାୟୀ, ଯଦି ଗୋଟିଏ ବଲ ପିଚ ବାହାରେ ପଡ଼େ, ତେବେ ଏହାକୁ ନୋ-ବଲ ଦିଆଯାଏ। ଏଭଳି ପରିସ୍ଥିତିରେ ବଟଲରଙ୍କୁ ଏକ ଫ୍ରି-ହିଟ ମିଳିଥିଲା। ସେ ପୁନର୍ବାର ପରବର୍ତ୍ତୀ ବଲ୍କୁ ଛକା ମାରିଥିଲେ।
ଆଇପିଏଲ ୨୦୨୨ରେ ଇଂଲଣ୍ଡର ଉଇକେଟ କିପର ବ୍ୟାଟ୍ସମ୍ୟାନ ବଟଲର ରାଜସ୍ଥାନ ରୟାଲ୍ସ ପାଇଁ ଚମତ୍କାର ଖେଳିଥିଲେ। ସେ ୧୭ ଇନିଂସରେ ହାରାହାରି ୫୮ରେ ସର୍ବାଧିକ ୮୬୩ ରନ ସଂଗ୍ରହ କରି ଅରେଞ୍ଜ କ୍ୟାପ ଜିତିଥିଲେ।
just @josbuttler things❤️🔥🐐 pic.twitter.com/MpqIoGrh9a
— Nathish Adhiyan (@NathishAdhiyan) June 22, 2022
