ଲଣ୍ଡନ, ୧୫ା୮(ପି.ଟି.)-ସେପ୍ଟେମ୍ବର ୪ରୁ ୧୬ ପର୍ଯ୍ୟନ୍ତ ଯଥାକ୍ରମେ ସାଉଥାମ୍ପଟନ ଓ ମାଞ୍ଚେଷ୍ଟରଠାରେ ଇଂଲଣ୍ଡ ଓ ଅଷ୍ଟ୍ରେଲିଆ ଟିମ୍ ୬ଟି ହ୍ବାଇଟ୍ ବଲ୍ ଗେମ୍ ଖେଳିବେ। ଫଳରେ ଇଣ୍ଡିଆନ ପ୍ରିମିୟର ଲିଗ୍ (ଆଇପିଏଲ୍) ସହିତ ଚୁକ୍ତି କରିଥିବା ଏହି ଦୁଇ ଦେଶର ଖେଳାଳିମାନେ ଟି୨୦ ଲିଗ୍ର ପ୍ରଥମ ସପ୍ତାହ ଖେଳ ପାଇଁ ଉପଲବ୍ଧ ହୋଇ ନ ପାରନ୍ତି। ଇଂଲଣ୍ଡ ଓ ଅଷ୍ଟ୍ରେଲିଆ ସେପ୍ଟେମ୍ବର ୪, ୬ ଓ ୮ରେ ତିନୋଟି ଅନ୍ତର୍ଜାତୀୟ ଟି୨୦ ଏଜାସ ବାଓଲଠାରେ ଏବଂ ଓଲ୍ଡ ଟ୍ରାଫୋର୍ଡଠାରେ ସେପ୍ଟେମ୍ବର ୧୧, ୧୩ ଓ ୧୬ରେ ସମାନ ସଂଖ୍ୟକ ଅନ୍ତର୍ଜାତୀୟ ଦିନିକିଆ ଖେଳିବେ। ସୂଚନାଯୋଗ୍ୟ, ଆଇପିଏଲ ଖେଳିବା ଲାଗି ଖେଳାଳିମାନେ ସେପ୍ଟେମ୍ବର ୧୭ କିମ୍ବା ୧୮ ତାରିଖରେ ସେମାନଙ୍କ ରହଣି ସ୍ଥାନରେ ପହଞ୍ଚତ୍ବେ। ଆଇପିଏଲ ଏସ୍ଓପି (ଷ୍ଟାଣ୍ଡାର୍ଡ ଅପରେଟିଂ ପ୍ରୋସିଜିଓର) ଅନୁସାରେ ସେମାନେ ୬ ଦିନ କ୍ୱାରାଣ୍ଟାଇନ୍ରେ ରହିବେ। ପ୍ରଥମ, ଦ୍ୱିତୀୟ ଓ ୬ଷ୍ଠ ଦିବସରେ ସେମାନଙ୍କର ଆର୍ଟି-ପିସିଆର୍ ଟେଷ୍ଟ ହେବ। ୩ଥର ଟେଷ୍ଟରେ ଉନ୍ନୀତ ହେବାପରେ ସେମାନେ ଖେଳିବା ଲାଗି ଅନୁମତି ପାଇବେ। ଇଂଲଣ୍ଡ ଓ ଅଷ୍ଟ୍ରେଲିଆର ମୋଟ ୨୯ଜଣ ଖେଳାଳି ଆଇପିଏଲ୍ ୮ଟି ଦଳର ଅଂଶବିଶେଷ ଅଛନ୍ତି। ଏମାନଙ୍କ ମଧ୍ୟରେ ଡେଭିଡ୍ ଓ୍ବାର୍ନର, ବେନ୍ ଷ୍ଟୋକ୍ସ, ଜୋଫ୍ରା ଆର୍ଚର ଷ୍ଟିଭ୍ ସ୍ମିଥ୍ ଓ ପ୍ୟାଟ୍ କୁମିନ୍ସଙ୍କ ଭଳି ଷ୍ଟାର ଖେଳାଳି ଅଛନ୍ତି। ରାଜସ୍ଥାନ ରୟାଲ୍ସ ଦଳ ବିଶେଷ ପ୍ରଭାବତି ହେବ। କାରଣ ବଟଲର, ସ୍ମିଥ୍ ଓ ଆର୍ଚରଙ୍କ ଭଳି ଖେଳାଳି ଅନୁପସ୍ଥିତି ରହିବେ। ଇଂଲଣ୍ଡ ଓ ଓ୍ବେଲ୍ସ କ୍ରିକେଟ ବୋର୍ଡ (ଇସିିବ) ଏବଂ କ୍ରିକେଟ ଅଷ୍ଟ୍ରେଲିଆ (ସିଏ) ଏକ ମିଳିତ ପ୍ରେସ୍ ଇସ୍ତାହାରରେ କହିଛନ୍ତି, ଅଷ୍ଟ୍ରେଲିଆ କ୍ରିକେଟ ଦଳ ଅଗଷ୍ଟ ୨୪ରେ ୟୁନାଇଟେଡ୍ କିଙ୍ଗଡମ୍ (ୟୁକେ)ରେ ପହଞ୍ଚତ୍ବ। ଏଜାସ ବାଓଲଠାରେ ପହଞ୍ଚତ୍ବା ପୂର୍ବରୁ ଅଷ୍ଟ୍ରେଲିଆ କ୍ରିକେଟ ଦଳ ଡର୍ବିଶାୟାରର ଦି ଇନ୍କୋରା କାଉଣ୍ଟି ଗ୍ରାଉଣ୍ଡ ଗସ୍ତ କରିବ। ମ୍ୟାଚଗୁଡ଼ିକ ଜୈବ ସୁରକ୍ଷିତ ପରିବେଶ ସହିତ ରୁଦ୍ଧଦ୍ୱାର ମଧ୍ୟରେ ଖେଳାଯିବ। ତିନୋଟି ଯାକ ଅନ୍ତର୍ଜାତୀୟ ଦିନିକିଆ ଆଇସିସି ଓ୍ବାଲର୍ଡ କପ୍ ସୁପର ଲିଗ୍ର ଅଂଶବିଶେଷ ସ୍ବରୂପ ଖେଳାଯିବ। ଅଗଷ୍ଟ ୨୭ରେ ଇଂଲଣ୍ଡର ପାକିସ୍ତାନ ବିପକ୍ଷ ତୃତୀୟ ଟେଷ୍ଟ ମ୍ୟାଚ ଶେଷ ହେବ।