ନୂଆଦିଲ୍ଲୀ,୨୪।୭: ଇଂଲଣ୍ଡ ଟିମ୍ ଟେଷ୍ଟ କ୍ରିକେଟରେ ଗୋଟିଏ ଦିନରେ ୬୦୦ ରନ୍ କରିପାରେ। ଏଭଳି ଦମ୍ଭୋକ୍ତି ପ୍ରକାଶ କରିଛନ୍ତି ଦଳର ବ୍ୟାଟ୍ସମ୍ୟାନ୍ ଓଲି ପୋପ୍। ତେବେ ପୂର୍ବରୁ ଟେଷ୍ଟ କ୍ରିକେଟରେ ଦିନକରେ ସର୍ବାଧିକ ରନ୍ର ରେକର୍ଡ ଦଳ ନାମରେ ରହିଛି। ଇଂଲଣ୍ଡ ୧୯୩୬ରେ ଭାରତ ବିପକ୍ଷ ମ୍ୟାଚ୍ର ଦ୍ୱିତୀୟ ଦିନରେ ୬ ଉଇକେଟରେ ୫୮୮ ରନ୍ କରିଥିଲେ। ପୋପ୍ କହିଛନ୍ତି ଯେ ବେନ ଷ୍ଟୋକ୍ସଙ୍କ ନେତୃତ୍ୱାଧୀନ ଟିମ୍ ଏହି ରେକର୍ଡ ଭାଙ୍ଗି ପାରିବେ।
ବିବିସି ସ୍ପୋର୍ଟକୁ ପେପ୍ କହିଛନ୍ତି, ଆମେ କେବେ କେବେ ଦିନକରେ ୨୮୦ ନଚେତ ୩୦୦ ରନ୍ କରିପାରୁ। କାରଣ ଆମେ ପରିସ୍ଥିତିକୁ ଭଲ ଭାବେ ବୁଝୁ। ଏମିତି ବି ହୋଇପାରେ ଭବିଷ୍ୟତରେ ଆମେ ଯେବେ ୫୦୦ରୁ ୬୦୦ ରନ୍ କରିବୁ, ଭଲ ରେକର୍ଡ ହେବ। ଇଂଲଣ୍ଡ ୨୦୨୨ ଡିସେମ୍ବରରେ ପାକିସ୍ତାନ ବିପକ୍ଷରେ ଖେଳାଯାଇଥିବା ପ୍ରଥମ ଟେଷ୍ଟ ମ୍ୟାଚ୍ର ପ୍ରଥମ ଦିନରେ ୫୦୬ ରନ୍ କରିଥିଲେ।