ଅହମଦାବାଦ,୨୪।୩: ଭାରତ ଏବଂ ଇଂଲଣ୍ଡ ମଧ୍ୟରେ ତୃତୀୟ ଟେଷ୍ଟ ମ୍ୟାଚ ଅହମ୍ମଦାବାଦର ମୋଟେରା କ୍ରିକେଟ ଷ୍ଟାଡିୟମରେ ଖେଳାଯାଉଛି। ଏହି ଦିବାରାତ୍ର ମ୍ୟାଚରେ ଇଂଲଣ୍ଡ ଅଧିନାୟକ ଜୋ ରୁଟ ଟସ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଛି। ଏଥିସହିତ ଜସପ୍ରୀତ ବୁମ୍ରା ଭାରତୀୟ ଦଳକୁ ଫେରିଛନ୍ତି। ଚାରି ମ୍ୟାଚ ବିଶିଷ୍ଟ ସିରିଜର ଦୁଇଟି ଟେଷ୍ଟ ଏପର୍ଯ୍ୟନ୍ତ ଭାରତ ଏବଂ ଇଂଲଣ୍ଡ ମଧ୍ୟରେ ଖେଳାଯାଇଛି। ଚେନ୍ନାଇରେ ଉଭୟ ମ୍ୟାଚ ଖେଳାଯାଇଥିଲା ଯେଉଁଥିରେ ଭାରତ ଗୋଟିଏରେ ଏବଂ ଇଂଲଣ୍ଡ ଗୋଟିଏରେ ଜିତିଥିଲା। ଉଭୟ ଦଳ ଗୋଟିଏ ଲେଖାଏ ବିଜୟ ସହ ୧-୧ ରହିଛନ୍ତି। ପୂର୍ବରୁ ଉଭୟ ଟେଷ୍ଟ ଚେନ୍ନାଇରେ ଖେଳାଯାଇଥିଲା। ପ୍ରଥମ ଟେଷ୍ଟରେ ଇଂଲଣ୍ଡ ୨୨୭ ରନ ଜିତିଥିଲା। ଏଥି ସହିତ ଭାରତ ଦ୍ୱିତୀୟ ଟେଷ୍ଟ ମ୍ୟାଚକୁ ୩୧୭ ରନରେ ଜିତିଥିଲା।
