ଅହମ୍ମଦାବାଦ,୧୯।୩ : ସ୍ଥାନୀୟ ନରେନ୍ଦ୍ର ମୋଦି ଷ୍ଟାଡିୟମରେ ଖେଳାଯାଇଥିବା ଚତୁର୍ଥ ଟି୨୦ ମ୍ୟାଚ୍ରେ ଧିମା ବୋଲିଂ ପାଇଁ ଇଂଲଣ୍ଡ ଦଳକୁ ଦଣ୍ଡିତ କରାଯାଇଛି। ଜରିମାନା ବାବଦକୁ ଭ୍ରମଣକାରୀ ଦଳର ଖେଳାଳିଙ୍କ ମ୍ୟାଚ୍ ଫି’ରୁ ୨୦ ପ୍ରତିଶତ କାଟ୍ କରାଯାଇଛି। ନିର୍ଦ୍ଧାରିତ ସମୟରେ ଇଂଲଣ୍ଡ ଦଳ ପୂରା ୨୦ ଓଭର ବୋଲିଂ କରିପାରି ନ ଥିଲା। ଗୋଟିଏ ଓଭର ବଳକା ରହିଯାଇଥିଲା। ଆଇସିସି ମ୍ୟାଚ୍ ରେଫରି ଜାଭାଗଲ ଶ୍ରୀନାଥ ଏହି ଦଣ୍ଡାଦେଶ ଲଗାଇଛନ୍ତି। ଇଂଲଣ୍ଡ ଅଧିନାୟକ ଇଆନ ମୋର୍ଗାନ ଦୋଷ ଓ ଦଣ୍ଡାଦେଶ ସ୍ବୀକାର କରିନେଇଛନ୍ତି। ଏଣୁ ଏହି ଘଟଣାରେ କୌଣସି ଶୁଣାଣିର ଆବଶ୍ୟକତା ନାହିଁ। ତେବେ ଚଳିତ ସିରିଜ୍ରେ ଧିମା ବୋଲିଂ ହାର ଲାଗି ଟିମ୍ ଇଣ୍ଡିଆ ମଧ୍ୟ ଦଣ୍ଡିତ ହୋଇସାରିଛି।
ଉଲ୍ଲେଖଥାଉ କି, ଚତୁର୍ଥ ମ୍ୟାଚ୍କୁ ଜିତି ସିରିଜ୍କୁ ୨-୨ର ବରାବର ସ୍ଥିତିରେ ଆଣି ଛିଡ଼ା କରିଛି ଭାରତୀୟ ଦଳ। ସିରିଜ୍ର ଅନ୍ତିମ ତଥା ଫାଇନାଲ ମ୍ୟାଚ୍ ଶନିବାର ଖେଳାଯିବ।