ଲଣ୍ଡନ,୨୬।୮: ଇଂଲଣ୍ଡର ପୂର୍ବତନ ଅଧିନାୟକ ତଥା ମହାନ ବ୍ୟାଟ୍ସମ୍ୟାନ୍ ଟେଡ ଡେକ୍ସଟରଙ୍କ ପରଲୋକ ଘଟିଛି। ମୃତ୍ୟୁ ବେଳକୁ ତାଙ୍କୁ ୮୬ ବର୍ଷ ହୋଇଥିଲା। ସେ ଆକ୍ରମକ ମିଡିଲ ଅର୍ଡର ବ୍ୟାଟ୍ସମ୍ୟାନ୍ ଏବଂ ଜଣେ ମିଡିୟମ୍ ପେସ୍ ବୋଲର ଥିଲେ। ଡେକ୍ସଟରଙ୍କ ପରଲୋକରେ ଅନ୍ତର୍ଜାତୀୟ କ୍ରିକେଟ୍ ପରିଷଦ(ଆଇସିସି) ଶୋକ ବ୍ୟକ୍ତ କରିଛି। ଡେକ୍ସଟର ୬୨ଟି ଟେଷ୍ଟ ଖେଳିଥିଲେ। ୧୯୫୮ରେ ସେ ପ୍ରଥମ ଟେଷ୍ଟ ଖେଳିଥିବାବେଳେ ୧୯୬୮ରେ ସେ ଶେଷ ଟେଷ୍ଟ ମ୍ୟାଚ୍ ଖେଳିଥିଲେ। ୧୯୬୧-୬୨ରେ ସେ ଇଂଲଣ୍ଡର ଅଧିନାୟକ ପଦ ମଧ୍ୟ ସମ୍ଭାଳି ଥିଲେ। ସେହିପରି ପ୍ରଥମ ଶ୍ରେଣୀ କ୍ରିକେଟ୍ରେ ୨୧୦୦୦ରୁ ଅଧିକ ରନ୍ କରିବା ସହ ୪୧୯ ଉଇକେଟ୍ ମଧ୍ୟ ନେଇଥିଲେ। ରାcଜନୀତିରେ ଯୋଗ ଦେବା ପାଇଁ ସେ କ୍ରିକେଟ୍ ଛାଡିଥିଲେ।