ଲଣ୍ଡନ,୬।୯: ଭାରତ ଓ ଇଂଲଣ୍ଡ ମଧ୍ୟରେ ଚାଲିଥିବା ଓଭାଲ ଟେଷ୍ଟ ଏବେ ନିର୍ଣ୍ଣାୟକ ମୋଡ଼ରେ। ଇଂଲଣ୍ଡ ହାତରେ ମ୍ୟାଚ ବଞ୍ଚାଇବା ପାଇଁ ରହିଛି ୪ ଉଇକେଟ୍ । ଅଧିନାୟକ ଜୋ ରୁଟ୍ ଏବେ ମଧ୍ୟ କ୍ରିଜ୍ରେ ଅଛନ୍ତି। କିନ୍ତୁ ମ୍ୟାଚରେ ଆହୁରି ପ୍ରାୟ ୪୦ ଓଭର ବାକି ଥିବାରୁ ଭାରତର ବିଜୟ ନିଶ୍ଚିତ ଭଳି ଲାଗୁଛି। ଲଞ୍ଚ ବ୍ରେକ ସୁଦ୍ଧା ଇଂଲଣ୍ଡ ୧୪୯ ରନ୍ କରି ୬ ଉଇକେଟ୍ ହରାଇଛି। ଘରୋଇ ଦଳକୁ ମ୍ୟାଚ୍ ଜିତିବା ପାଇଁ ଆହୁରି ୨୧୯ ରନ୍ ଦରକାର। ଭାରତ ପକ୍ଷରୁ ଜସପ୍ରୀତ ବୁମ୍ରା ୨ ଉଇକେଟ ଅକ୍ତିଆର କରିଥିବା ବେଳେ ରବୀନ୍ଦ୍ର ଜାଡେଜା ୨ ଏବଂ ଶାର୍ଦ୍ଦୁଳ ଠାକୁର ଗୋଟିଏ ଉଇକେଟ ନେବାରେ ସଫଳ ହୋଇଛନ୍ତି।