ପୁଣେ,୮।୧୧: ବିଶ୍ୱକପ୍ର ଏକ ମ୍ୟାଚ୍ରେ ଇଂଲଣ୍ଡ ୧୬୦ ରନରେ ନେଦରଲାଣ୍ଡକୁ ପରାସ୍ତ କରିଛି। ଏହି ବିଜୟ ସହିତ ଇଂଲଣ୍ଡ ୮ଟି ମ୍ୟାଚ୍ରେ ୨ଟି ମ୍ୟାଚ୍ ଜିତି ଚାରି ପଏଣ୍ଟ ସହ ପଏଣ୍ଟ ଟେବୁଲର ସପ୍ତମ ସ୍ଥାନରେ ପହଞ୍ଚିଛି। ଅନ୍ୟପକ୍ଷରେ ନେଦରଲ୍ୟାଣ୍ଡ ଦଳ ୮ଟି ମ୍ୟାଚ୍ରେ ଷଷ୍ଠ ପରାଜୟ ସହ ବିଶ୍ୱକପରୁ ବାଦ ପଡିଛି।
ଇଂଲଣ୍ଡ ଅଧିନାୟକ ଜୋସ ବଟଲର ଟସ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲେ। ୫୦ ଓଭରରେ ୯ ଉଇକେଟ ହରାଇ ଇଂଲଣ୍ଡ ୩୩୯ ରନ ସଂଗ୍ରହ କରିଥିଲା। ଏହାର ଜବାବରେ ନେଦରଲାଣ୍ଡ ଦଳ ୩୭.୨ ଓଭରରେ ୧୭୯ ରନ୍ରେ ଅଲଆଉଟ୍ ହୋଇଥିଲା। ଏହି ପରାଜୟ ସହିତ ଏହା ବିଶ୍ୱକପରୁ ବାଦ୍ ପଡିଥିବା ଚତୁର୍ଥ ଦଳ ହୋଇଛି।