ଲଣ୍ଡନ,୨୪।୧: ଜାନୁଆରୀ ୨୫ରୁ ଭାରତ ବିପକ୍ଷ ପାଞ୍ଚ ଟେଷ୍ଟ ସିରିଜର ଉଦଘାଟନୀ ମ୍ୟାଚ ପୂର୍ବରୁ ଇଂଲଣ୍ଡ ଦଳକୁ ବଡ଼ ଝଟକା ଲାଗିଛି। ପାକିସ୍ତାନ ବଂଶୋଭବ ସ୍ପିନର ଶୋଏବ ବଶୀର ପ୍ରଥମ ଟେଷ୍ଟରେ ଇଂଲଣ୍ଡର ପ୍ଲେ-୧୧ରେ ଅଂଶ ହେବେ ନାହିଁ। ଇଂଲଣ୍ଡ ଅଧିନାୟକ ବେନ ଷ୍ଟୋକ୍ସ କହିଛନ୍ତି, ଭିସା ସମସ୍ୟା ହେତୁ ବଶୀର ପ୍ରଥମ ଟେଷ୍ଟରେ ଦଳର ଅଂଶ ହୋଇପାରିବେ ନାହିଁ। ବଶୀରଙ୍କୁ ଇଂଲଣ୍ଡ ଫେରିବାକୁ ପଡିଛି।
ଏହି ପୁରା ଘଟଣାକୁ ନେଇ ଇଂଲଣ୍ଡ ଅଧିନାୟକ ବେନ ଷ୍ଟୋକ୍ସ ବହୁତ ଅସନ୍ତୋଷ ଅଛନ୍ତି। ୨୦ ବର୍ଷ ବୟସ୍କ ବଶୀର ପ୍ରଥମ ଥର ପାଇଁ ଭାରତ ଗସ୍ତ କରିବାକୁ ଯାଉଥିଲେ। କିନ୍ତୁ ଭିସା ସମସ୍ୟା ହେତୁ ବଶୀରଙ୍କ ଡେବ୍ୟୁ କରିବାର ସ୍ବପ୍ନ ବର୍ତ୍ତମାନ ସୁଦ୍ଧା ପୂରଣ ହେବ ନାହିଁ। ଏହାପୂର୍ବରୁ ପାକିସ୍ତାନୀ ବଂଶୋଭବ ଉସମାନ ଖାୱାଜା ଏବଂ ରେହାନ ଅହମ୍ମଦଙ୍କୁ ମଧ୍ୟ ବିଶ୍ୱକପ୍ ସମୟରେ ଭାରତ ଗସ୍ତରେ ଭିସା ବିଳମ୍ବ ସମସ୍ୟାର ସମ୍ମୁଖୀନ ହେବାକୁ ପଡିଥିଲା।