ମେଲବୋର୍ନ,୨୮।୧୨: ଆଶେସ ସିରିଜର ତୃତୀୟ ଟେଷ୍ଟ ମ୍ୟାଚରେ ଅଷ୍ଟ୍ରେଲିଆ ଭ୍ରମଣକାରୀ ଦଳ ଇଂଲଣ୍ଡକୁ ଏକ ଇନିଂସ ଏବଂ ୧୪ ରନ୍ରେ ପରାସ୍ତ କରିଛି । ଜୋ ରୁଟଙ୍କ ଅଧିନାୟକତ୍ୱରେ ଥିବା ଇଂଲଣ୍ଡ ଦଳ ମେଲବୋର୍ନ ଟେଷ୍ଟରେ ଅଷ୍ଟ୍ରେଲିଆଠାରୁ ଲଜ୍ଜାଜନକ ପରାଜୟ ଭୋଗିଛି। ଏହା ସହ ପ୍ୟାଟ କମିନ୍ସଙ୍କ ନେତୃତ୍ୱରେ ଅଷ୍ଟ୍ରେଲିୟ ଦଳ ମଧ୍ୟ ଆଶେସ ସିରିଜ କବଜା କରିଥିଲେ। ପାଞ୍ଚ ଟେଷ୍ଟ ସିରିଜରେ ଆୟୋଜକ ଅଷ୍ଟ୍ରେଲିଆ ଏବେ ୩-୦ରେ ଆଗୁଆ ରହିଛି। ଇଂଲଣ୍ଡର ପ୍ରଥମ ଇନିଂସ ୧୮୫ ରନ୍ରେ ଅଲଆଉଟ୍ ହୋଇଥିବାବେଳେ ଦ୍ୱିତୀୟ ଇନିଂସରେ ଏହାର ବ୍ୟାଟ୍ସମ୍ୟାନ୍ମାନେ ୬୮ ରନରେ ଅଲଆଉଟ ହୋଇଥିଲେ।
ଇଂଲଣ୍ଡର ଦ୍ୱିତୀୟ ଇନିଂସରେ ଡେଭିଡ ମାଲାନ, ଜ୍ୟାକ ଲିଚ, ମାର୍କ କାଡ ଏବଂ ଓଲି ରବିନ୍ସନ ଆକାଉଣ୍ଟ ଖୋଲିପାରି ନ ଥିଲେ। ପ୍ରଥମ ଇନିଂସରେ ଓପନର୍ ବ୍ୟାଟ୍ସମ୍ୟାନ ହସିବ ହମିଦ ଶୂନରୁ ଆଉଟ ହୋଇଥିଲେ। ଏହା ସହ ଇଂଲଣ୍ଡ ଦଳ ନିଜ ନାମରେ ଏକ ଖରାପ ରେକର୍ଡ ସୃଷ୍ଟି କରିଛି। ଦଳର ବ୍ୟାଟ୍ସମ୍ୟାନ୍ମାନେ ଚଳିତ ବର୍ଷ ଅର୍ଥାତ୍ ୨୦୨୧ରେ ୫୪ ଥର ଶୂନରେ ଆଉଟ୍ ହୋଇଛନ୍ତି। ୧୪୪ ବର୍ଷ ଧରି ଟେଷ୍ଟ କ୍ରିକେଟ ଖେଳୁଥିବା ଇଂଲଣ୍ଡ ଦଳ ସହିତ ଏହା ଦ୍ୱିତୀୟ ଥର ଘଟିଛି। ଏହାପୂର୍ବରୁ ୧୯୯୮ରେ, ଇଂଲଣ୍ଡ ଖେଳାଳିମାନେ ସର୍ବାଧିକ ୫୪ଥର ଶୂନରେ ଆଉଟ୍ ହୋଇଥିଲେ।
