CARDIFF, WALES - JUNE 24: Liam Livingstone of England bats during the 2nd T20 International match between England and Sri Lanka at Sophia Gardens on June 24, 2021 in Cardiff, Wales. (Photo by Gareth Copley/Getty Images)
କାର୍ଡିଫ, ୨୬ା୬ (ଏପି)-ବର୍ଷାରେ ପ୍ରଭାବିତ ଦ୍ୱିତୀୟ ଅନ୍ତର୍ଜାତୀୟ ଟି୨୦ କ୍ରିକେଟ ମ୍ୟାଚରେ ଇଂଲଣ୍ଡ ୫ ଉଇକେଟରେ ଶ୍ରୀଲଙ୍କାକୁ ପରାସ୍ତ କରିଛି। ଏଥିସହିତ ଦଳ ୨-୦ରେ ଅଗ୍ରଣୀ ହୋଇ ୩ମ୍ୟାଚ ବିଶିଷ୍ଟ ସିରିଜକୁ ଆଗୁଆ କବ୍ଜା କରିନେଇଛି। ଗୁରୁବାର ଅନୁଷ୍ଠିତ ଏହି ମ୍ୟାଚରେ ଟସ୍ ଜିତି ପ୍ରଥମେ ବ୍ୟାଟିଂ କରିଥିବା ଭ୍ରମଣକାରୀ ଶ୍ରୀଲଙ୍କା ନିର୍ଦ୍ଧାରିତ ୨୦ ଓଭରରେ ୭ ଉଇକେଟ ବିନିମୟରେ ୧୧୧ ରନ କରିଥିଲା। ବର୍ଷା ଯୋଗୁ ଘରୋଇ ଦଳ ପାଇଁ ୧୧୨ରନ ପରିବର୍ତ୍ତେ ୧୮ ଓଭରରେ ୧୦୩ ବିଜୟ ଲକ୍ଷ୍ୟ ଧାର୍ଯ୍ୟ କରାଯାଇଥିଲା। ଇଂଲଣ୍ଡ ବ୍ୟାଟିଂ କରିବାକୁ ଯାଇ ଏକଦା ୩୬ରନରେ ଏହାର ୪ଉଇକେଟ ହରାଇ ସଙ୍କଟରେ ପଡ଼ିଥିଲା। ମାତ୍ର ସାମ୍ ବିଲିଙ୍ଗ୍ସ ଓ ଲିଆମ ଲିଭିଂଷ୍ଟୋନ୍ ଭାଗୀଦାରିରେ ୪୮ ବଲ୍ରେ ୫୪ ରନ ଯୋଗ କରି ଦଳର ସ୍ଥିତିରେ ସୁଧାର ଆଣିଥିଲେ। ବିଲିଙ୍ଗ୍ସ ୨୪ ରନ କରି ଆଉଟ ହୋଇଥିଲେ। ସେତେବେଳେ ଘରୋଇ ଦଳ ବିଜୟ ପାଇଁ ଆହୁରି ୧୩ ରନ ଆବଶ୍ୟକ କରୁଥିଲା। କିନ୍ତୁ ଲିଭିଂଷ୍ଟୋନ୍ (୨୯*) ଓ ସାମ୍ କୁରାନ (୧୬*)ଙ୍କ ଚମତ୍କାର ବ୍ୟାଟିଂ ଯୋଗୁ ଇଂଲଣ୍ଡ ହାତରେ ୫ ଉଇକେଟ ଓ ୧୧ ବଲ୍ ବାକିଥାଇ ମ୍ୟାଚ ଜିତି ନେଇଥିଲା।