ଲଣ୍ଡନ,୬।୯: ଇଂଲଣ୍ଡ କ୍ରିକେଟ୍ ଦଳର ଉଇକେଟ୍କିପର୍-ବ୍ୟାଟ୍ସମ୍ୟାନ୍ ଜୋଶ୍ ବଟଲର୍ ଦ୍ୱିତୀୟଥର ପିତା ହୋଇଛନ୍ତି। ତାଙ୍କ ସ୍ତ୍ରୀ ଲୁଇସ୍ ଓ୍ବେବର ସେପ୍ଟେମ୍ବର ୫ରେ ଏକ କନ୍ୟା ସନ୍ତାନ ଜନ୍ମ ଦେଇଛନ୍ତି। ବଟଲର ଖେଳୁଥିବା ଆଇପିଏଲ୍ ଟିମ୍ ରାଜସ୍ଥାନ ରୟାଲ୍ସ ଟୁଇଟ୍ ଯୋଗେ ଏହି ଖୁସି ଖବର ପ୍ରଶଂସକଙ୍କ ସହ ଶେୟାର କରିଛନ୍ତି। ବଟଲରଙ୍କ ଝିଅ ନାମ ମ୍ୟାଗି ରହିଛି। ୨୦୧୯ରେ ସେ ପ୍ରଥମଥର ପିତା ହୋଇଥିଲେ। ରାଜସ୍ଥାନ ରୟାଲ୍ସ ପକ୍ଷରୁ ବଟଲର ଏବଂ ତାଙ୍କ ସ୍ତ୍ରୀ, ଦୁଇ କନ୍ୟାଙ୍କ ଫଟୋ ଶେୟାର କରାଯାଇଛି।
ସୂଚନାଯୋଗ୍ୟ, ବଟଲର ଝିଅ ଜନ୍ମ ପୂର୍ବରୁ କିଛିଦିନ କ୍ରିକେଟ୍ରୁ ବ୍ରେକ ନେଇଛନ୍ତି। ଏହି କାରଣରୁ ସେ ଭାରତ ଏବଂ ିଂଲଣ୍ଡ ଟେଷ୍ଟ ସିରିଜ୍ରୁ ମଧ୍ୟ ବାଦ୍ ପଡିଛନ୍ତି। ସେ ଆଇପିଏଲ୍ର ଦ୍ୱିତୀୟ ପର୍ଯ୍ୟାୟରେ ମଧ୍ୟ ନଜର ଆସିବେ ନାହିଁ।