ବଲିଉଡ୍ର ସବୁଠାରୁ ହ୍ୟାଣ୍ଡସମ୍ ହିରୋ ଶଶି କପୁରଙ୍କ ସ୍ତ୍ରୀ ଜେନିଫର କେଣ୍ଡେଲଙ୍କର ସୋମବାର ଅର୍ଥାତ୍ ଆଜି ହେଉଛି ୩୬ତମ ଶ୍ରାଦ୍ଧ ପାର୍ଷିକୀ। ସେପ୍ଟେମ୍ବର ୭, ୧୯୮୪ରେ ତାଙ୍କର ମୃତ୍ୟୁ ଘଟିଥିଲା। ଆଜି ବି ଶଶି ଆଉ ଆମ ଗହଣରେ ନାହାନ୍ତି। ହେଲେ ଏହି ଦମ୍ପତିଙ୍କର ପ୍ରେମ କାହାଣୀ ଯେତିକି ସୁଖଦ, ତାଠାରୁ ଅଧିକ ଦୁଃଖଦ ଥିଲା।
ଜେନିଫରଙ୍କୁ କ୍ୟାନସର ହୋଇଥିବା ୧୯୮୨ ମସିହାରେ ଜଣାପଡ଼ିଥିଲା। ଏହାପରେ ଶଶି ମୁମ୍ବାଇଠାରୁ ଆରମ୍ଭକରି ଲଣ୍ଡନ ପର୍ଯ୍ୟନ୍ତ ସବୁଠାରେ ତାଙ୍କର ଚିକିତ୍ସା କରାଇଥିଲେ। ହେଲେ ସ୍ତ୍ରୀଙ୍କୁ ବଞ୍ଚାଇପାରି ନ ଥିଲେ। ଜେନିଫରଙ୍କ ମୃତ୍ୟୁ ପରେ ଶଶି ସମ୍ପୂର୍ଣ୍ଣ ରୂପେ ଭାଙ୍ଗିପଡ଼ିଥିଲେ। ଏହି ଦୁଃଖରେ ସେ ଗୋଆର ଏକ ଗଭୀର ସମୁଦ୍ରକୁ ଡଙ୍ଗା ସାହାଯ୍ୟରେ ଯାଇ ସେଠାରେ ବହୁତ କାନ୍ଦିଥିଲେ। ଜେନିଫର ଏବଂ ଶଶି ମାତ୍ର ୨୮ ବର୍ଷ ଏକାଠି ରହିଥିଲେ।
