ବଲିଉଡ୍ର ଚର୍ଚ୍ଚିତ ଅଭିନେତା ଇମରାନ ହାଶମୀ ଏବଂ ସନି ଲିୟୋନିଙ୍କ ପୁଅ ବିହାର କଲେଜରେ ପାଠ ପଢ଼ୁଛନ୍ତି। ସ୍ନାତମ ପରୀକ୍ଷା ଦେଉଛନ୍ତି ତାଙ୍କର ୨୦ ବର୍ଷର ପୁଅ। ଶୁଣିବାକୁ ଆଶ୍ଚର୍ଯ୍ୟ ଲାଗୁଥିଲେ ମଧ୍ୟ ଏମିତି କିଛି ଘଟଣା ଶୁଣିବାକୁ ମିଳିଛି।
ମୁଜାଫରପୁର ଭୀମ ରାଓ ମିନାପୁର ଅଞ୍ଚଳର ବାବା ସାହେବ ଭୀମରାଓ ଆମ୍ବେଦକର ବିଶ୍ୱ ବିଦ୍ୟାଳୟର ଯୁକ୍ତ ୩ ଦ୍ୱିତୀୟ ବର୍ଷର ଛାତ୍ର କୁନ୍ଦନ କୁମାର। ତାଙ୍କର ଆଡମିଟ୍ କାର୍ଡରେ ମା’ବାପାଙ୍କ ନାମ ସନ୍ନି ଲିଓନି ଏବଂ ଇମରାନ ହାଶମୀ ଲେଖାଯାଇଛି। କେବଳ ସେତିକି ନୁହେଁ, ଛାତ୍ରଙ୍କ ଘର ଠିକଣା ସ୍ଥାନରେ ମୁଜାଫରପୁର ରେଡ ଲାଇଟ ଏରିଆ ଚତୁର୍ଭୁଜା ଠିକଣା ଲେଖା ହୋଇଛି। ଛାତ୍ରଙ୍କ ଏହି ଆଡମିଟ୍ କାର୍ଡର ସ୍କ୍ରିନ୍ସଟ୍ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଏଭଳି ଘଟଣା ସାମ୍ନାକୁ ଆସିବା ପରେ ବିଶ୍ୱବିଦ୍ୟାଳୟର ଦାୟିତ୍ୱହୀନତାକୁ ନେଇ ପ୍ରଶ୍ନ ଉଠିଛି । ତେବେ ଇମ୍ରାନ ସୋସିଆଲ ମିଡିଆରେ ଏହାର ସ୍ପଷ୍ଟିକରଣ ରଖିଛନ୍ତି। ସେ ଲେଖିଛନ୍ତି ମୁଁ ଶପଥ ନେଇ କହୁଛି, ମୁଁ ସେହି ଇମ୍ରାନ ହାଶମୀ ନୁହେଁ।