ନୂଆଦିଲ୍ଲୀ,୨୬।୮:ଇସ୍ରୋର ଚନ୍ଦ୍ରାୟାନ ୩ର ବଜେଟ୍ ୬୧୫ କୋଟି ଟଙ୍କା। ତେବେ ଚନ୍ଦ୍ରପୃଷ୍ଠରେ ଅବତରଣ ସଫଳତା ହେତୁ ନିବେଶକମାନଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଛି। କାରଣ ମହାକାଶ କ୍ଷେତ୍ର ସହିତ ଜଡିତ ସମସ୍ତ ଛୋଟ ଏବଂ ବଡ କମ୍ପାନୀର ଅଂଶ ଗତ ସପ୍ତାହରେ ଶୀର୍ଷ ଛୁଇଁଛି। ଏହି ଶେୟାରର ବଜାର ପୁଞ୍ଜି ୩୦ ହଜାରେ କୋଟି ଟଙ୍କାକୁ ବୃଦ୍ଧି ପାଇଛି। ନିବେଶକଙ୍କ ଉତ୍ସାହ ଏପରି ଥିଲା ଯେ, ଲୋକମାନେ ଗୋଡ୍ରେଜ ଏରୋସ୍ପେସକୁ ଗୋଡ୍ରେଜ ଇଣ୍ଡଷ୍ଟ୍ରିଜର ଏକ ଅଂଶ ଭାବି ଦେଇଥିଲେ। ଏହି କାରଣରୁ ଗୋଡ୍ରେଜ ଇଣ୍ଡଷ୍ଟ୍ରିଜ ଶେୟାର ସପ୍ତାହକରେ ୮ଶତକଡାକୁ ବୃଦ୍ଧି ପାଇଲା। ତେବେ, ଗୋଡ୍ରେଜ ଇଣ୍ଡଷ୍ଟ୍ରିଜ ପରେ ସ୍ପଷ୍ଟ କରିଛି ଯେ ଗୋଡ୍ରେଜ ଏରୋସ୍ପେସ ଏହାର ସହଯୋଗୀ କମ୍ପାନୀ ନୁହେଁ।
ସ୍ପେସ ସେକ୍ଟର ସହିତ ଜଡିତ କମ୍ପାନୀଗୁଡିକର ଶେୟାର ମୂଲ୍ୟ କ୍ରମାଗତ ଭାବରେ ବୃଦ୍ଧି ପାଉଛି। ସେଣ୍ଟମ ଇଲେକ୍ଟ୍ରୋନିକ୍ସ ହେଉଛି ଏପରି ଏକ କମ୍ପାନୀ ଯାହାର ନାମ ଅଧିକାଂଶ ଲୋକ ଜାଣି ନ ଥିଲେ। କିନ୍ତୁ ଚନ୍ଦ୍ରାୟାନ-୩ ସଫଳତା ଏହାର ଶେୟାରକୁ ଗୋଟିଏ ସପ୍ତାହରେ ୨୬ପ୍ରତିଶତ ବୃଦ୍ଧି ହୋଇଛି।
ଚନ୍ଦ୍ରାୟାନ ପାଇଁ ହିନ୍ଦୁସ୍ତାନ ଏରୋନେଟିକ୍ସ ଲିମିଟେଡ ସର୍ବାଧିକ ଲାଭ କରିଛି। ଯାହାର ଅଂଶଧନ ମାତ୍ର ୫ ପ୍ରତିଶତ ବୃଦ୍ଧି ପାଇଛି କିନ୍ତୁ ଟଙ୍କା ଦୃଷ୍ଟିରୁ ବଜାର ପୁଞ୍ଜି ୬୭୭୭ କୋଟି ଟଙ୍କା ବୃଦ୍ଧି ପାଇଛି। ସେହିଭଳି ଭରତ ଇଲେକ୍ଟ୍ରୋନିକ୍ସର ସେୟାର ୬ ପ୍ରତିଶତ ବୃଦ୍ଧି ପାଇଛି। ଯାହା ଟଙ୍କାନୁସାରେ ୬୬୯୧। ଗୋଡ୍ରେଜ ଇଣ୍ଡଷ୍ଟ୍ରିଜ ସେୟାର ୮ ପ୍ରତିଶତ ବୃଦ୍ଧି ପାଇ ୫୯୬୭ କୋଟି ଟଙ୍କା ହୋଇଛି।
ଆଭାଣ୍ଟେଲର ଶେୟାର ୧୮ ପ୍ରତିଶତ ବୃଦ୍ଧି ପାଇଛି, ଯେଉଁ କାରଣରୁ କମ୍ପାନୀର ଶେୟାର ୫୨୬୩କୋଟି ଟଙ୍କା ବୃଦ୍ଧି ପାଇଛି। ଇସ୍ରୋକୁ ବିଭିନ୍ନ ସାମଗ୍ରୀ ଯୋଗାଉଥିବା ଲାରସେନ ଆଣ୍ଡ ଟୁବ୍ରୋ, ଇଜିପ୍ଟ ମେଟାଲ କର୍ପୋରେସନ, ଏମଏଟିଆର, ପାରାସ ଡିଫେନ୍ସ ଏବଂ ସ୍ପେସ ଟେକ୍ନୋଲୋଜିର ଶେୟାର ମଧ୍ୟ ଯଥେଷ୍ଟ ଲାଭ କରିଛି।