ଭୋପାଳ,୨୫ ।୧୧: ମଧ୍ୟପ୍ରଦେଶରେ କଂଗ୍ରେସ ନେତା ରାହୁଲ ଗାନ୍ଧୀଙ୍କ ଭାରତ ଯୋଡୋ ଯାତ୍ରାର ତୃତୀୟ ଦିନରେ ହଙ୍ଗାମା ହେଉଛି । ପ୍ରଥମେ କଂଗ୍ରେସ ପ୍ରଦେଶ କମିଟିର ଅଧ୍ୟକ୍ଷ କମଲନାଥଙ୍କ ମିଡିଆ ସମନ୍ୱୟକ ଭାରତୀୟ ଜନତା ପାର୍ଟି(ଭାଜପା)ରେ ସାମିଲ ହୋଇଗଲେ । ଏହାର କିଛି ସମୟ ପରେ ଭାଜପା ଅଭିଯୋଗ ଆଣିଲା କି ଖରଗୋନରେ ଭାରତ ଯୋଡୋ ଯାତ୍ରା ସମୟରେ ରାହୁଲ ଗାନ୍ଧୀଙ୍କ ଉପସ୍ଥିତିରେ ‘ପାକିସ୍ତାନ ଜିନ୍ଦାବାଦ’ ସ୍ଲୋଗାନ ଦିଆଯାଇଛି । ଦାବି କରାଯାଇଛି କି ଏହି ଭିଡ଼ିଓ କଂଗ୍ରେସ ତା’ର ଅଫିସିୟାଲ ଟୁଇଟର ହ୍ୟାଣ୍ଡେଲରେ ଶେୟାର କରିଛି । ହେଲେ ପରେ ଏହାକୁ ହଟାଇ ଦିଆଯାଇଛି । ହେଲେ କଂଗ୍ରେସ ଭାଜପା ଉପରେ ଅଭିିଯୋଗ ଆଣି ଭିଡିଓକୁ ମିଛ ବୋଲି କହିଛି ।
ଏହି ଘଟଣାକରୁ ନେଇ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ ବି ତାଙ୍କର ପ୍ରତିକ୍ରିୟା ରଖିଛନ୍ତି । ସେ ଟୁଇଟ କରି କହିଛନ୍ତି ଭାରତ ଯୋଡୋ ଯାତ୍ରାରେ ପାକିସ୍ତାନ ଜିନ୍ଦାବାଦ ସ୍ଲୋଗାନ ଦେବା ଏହା ଭାରତକୁ ଯୋଡିବା ନା ଭାଙ୍ଗିବା ଲୋକଙ୍କୁ ଏକାଠି କରିବା । ପୂର୍ବରୁ ଭାରତ ଭାଙ୍ଗି ଯାଇଛି, ଏବେ ପୁଣିଥରେ ଭାରତକୁ ଭାଙ୍ଗିବାକୁ ଯୋଜନା କରାଯାଉଛି କି ବୋଲି ସେ ପ୍ରଶ୍ନ କରିଛନ୍ତି । ପାକିସ୍ତାନ ଜିନ୍ଦାବାଦ ସ୍ଲୋଗାନ ଦେଇଥିବା ବ୍ୟକ୍ତି କୌଣସି ପରିସ୍ଥିତିରେ ଖସି ଯାଇ ପାରିବେ ନାହିଁ ତାଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ଏହାର ଜବାବରେ କଂଗ୍ରେସ କହିଛି ଏମାନେ ରାହୁଲ ଗାନ୍ଧୀଙ୍କୁ ଭୟ କରୁଛନ୍ତି । ଯେଉଁମାନେ ଭାଜପାରେ ଅଛନ୍ତି ସେମାନେ ମିଛ ପ୍ରଚାର କରିବାକୁ ଷଡଯନ୍ତ୍ର କରୁଛନ୍ତି ।
भारत जोड़ो यात्रा में पाकिस्तान जिंदाबाद के नारे लगना, यह भारत जोड़ना है या भारत को तोड़ने वालों को साथ जोड़ना है। पहले भी भारत तोड़ा है, क्या फिर भारत तोड़ने का इरादा है?
पाकिस्तान जिंदाबाद के नारे लगाने वाले किसी भी कीमत पर बचेंगे नहीं, उनके खिलाफ सख्त कार्रवाई की जायेगी।
— Shivraj Singh Chouhan (@ChouhanShivraj) November 25, 2022
