ପୁଣେ,୨୬।୩: ଭାରତ ଗସ୍ତରେ ଇଂଲଣ୍ଡ ସମସ୍ୟା ବଢିବାରେ ଲାଗିଛି। ଇଂଲଣ୍ଡ ପ୍ରଥମେ ଟେଷ୍ଟ ସିରିଜ ଏବଂ ତା’ପରେ ଟି -୨୦ ସିରିଜରେ ଭାରତଠାରୁ ପରାଜୟର ସାମ୍ନା କରିଛି। ଏବେ ଇଂଲଣ୍ଡକୁ ଆଉ ଏକ ବଡ଼ ଝଟକା ଲାଗିଛି। ଆହତ କାରଣରୁ ଇଂଲଣ୍ଡ ଅଧିନାୟକ ଇଅନ ମୋର୍ଗାନ ଏକଦିବସୀୟ ସିରିଜରୁ ବାଦ ପଡିଛନ୍ତି। ପ୍ରଥମ ଏକଦିବସୀୟ ମ୍ୟାଚ୍ ସମୟରେ ଫିଲ୍ଡିଂ କରୁଥିବାବେଳେ ମୋର୍ଗାନଙ୍କ ହାତରେ ଆଘାତ ଲାଗିଥିଲା। ତାଙ୍କ ଆଘାତ ଗୁରୁତର ଏବଂ ସେ ଅବଶିଷ୍ଟ ଦୁଇଟି ଏକଦିବସୀୟ ଖେଳିବେ ନାହିଁ। ମୋର୍ଗାନଙ୍କ ସ୍ଥାନରେ ଜୋସ ବଟଲର ଇଂଲଣ୍ଡର ଅଧିନାୟକ ହେବେ। ଏଥି ସହିତ ଡେଭିଡ ମାଲାନଙ୍କୁ ଏକଦିବସୀୟ ଦଳରେ ସ୍ଥାନ ଦିଆଯାଇଛି।